कास्कीमा रबिन्द्र अधिकारीको ह्याट्रिक

कास्की क्षेत्र नम्बर २ बाट प्रतिनिधिसभामा बाम गठबन्धनबाट एमाले केन्द्रीय सदस्य चर्चित युवा नेता रबिन्द्र अधिकारी विजयी भएका छन्।

उनले नेपाली कांग्रेसका देवराज चालिसेलाई ८ हजार ५ सय ४६ मतको फराकिलो अन्तरले पछि पार्दै विजय हासिल गरेका हुन्। अधिकारीले २७ हजार २ सय ७ मत प्राप्त गर्दा चालिसेले १८ हजार ६ सय ६१ मत प्राप्त गरे।

यसअघि २०६४ र २०७० को संविधानसभामा कास्की क्षेत्र नम्बर ३ बाट रबिन्द्र विजयी बनेका थिए।

कास्की क्षेत्र नम्बर १ र ३ को प्रतिनिधिसभाको मत गणना जारी छ। प्रदेश सभामा कास्की २(१) बाट बाम गठबन्धनका कृष्ण थापा र कास्की २ (२) बाट नेपाली कांग्रेसका बिन्दुकुमार थापा विजयी भइसकेका छन् भने अन्य प्रदेश सभामा बाम गठबन्धनका उम्मेदवारहरु नै अग्रस्थानमा छन्।

 

मंसिर २३, २०७४ मा प्रकाशित
प्रतिक्रिया दिनुहोस्