भक्तपुर- नेपाल मजदुर किसान पार्टीको गढ मानिने भक्तपुर-१ मा यस पटक पनि उक्त पार्टीको विजययात्रा नरोकिन संकेत देखिएको छ।

भक्तपुर १ मा ३ हजार मतगणना गर्न बाँकी रहँदा नेमकिपाका उम्मेदवार  प्रेम सुवाल करिब १५ हजार मतान्तरले अगाडि छन्।

नेमकिपाका सुवालसँग नेपाली कांग्रेसका बाबुराजा जोशी र बाम गठबन्धनका मिलन सुवालले प्रतिस्पर्धा गरेका थिए।

नेमकिपाका सुवालले ३३ हजार ७६ मत ल्याउँदा कांग्रेसका जोशीले १७ हजार ८ सय १८ मत र बाम गठबन्धनका सुवालले १५ हजार ७ सय ७४ मत ल्याएका छन्। २०४८ साल देखि भक्तपुर १ मा जित्दै आएका नेमकिपा अध्यक्ष नारायणमान बिजुक्छे यो निर्वाचनमा उम्मेदवार नभएकाले भक्तपुर १ मा कसले बाजी मार्ने भनेर चासोका साथ हेरिएको थियो।

 

मंसिर २५, २०७४ मा प्रकाशित
प्रतिक्रिया दिनुहोस्