नेमकिपाका प्रेम सुवाल विजयी
भक्तपुर- नेपाल मजदुर किसान पार्टीको गढ मानिने भक्तपुर-१ बाट उक्त पार्टीका उम्मेदवार प्रेम सुवाल विजयी भएका छन्।
नेमकिपाका सुवाल ३३ हजार ७६ मत ल्याएर विजयी भएका छन्। कांग्रेसका बाबुराजा जोशीले १७ हजार ८ सय १८ मत ल्याएका छन्।
बाम गठबन्धनका मिलन सुवालले १५ हजार ७ सय ७४ मत ल्याएका छन्।
२०४८ साल देखि भक्तपुर १ मा जित्दै आएका नेमकिपा अध्यक्ष नारायणमान बिजुक्छे यो निर्वाचनमा उम्मेदवार नभएकाले भक्तपुर १ मा कसले बाजी मार्ने भनेर चासोका साथ हेरिएको थियो।
