राष्ट्रियसभा गठनबारे मिल्न दलहरुलाई राष्ट्रपतिकोआग्रह

काठमाडौँ– राष्ट्रपति विद्यादेवी भण्डारीले राष्ट्रियसभा गठनका लागि दलहरुबीच सहमति र सहकार्य जरुरी रहेको बताएकी छन्।राष्ट्रपति कार्यालय, शीतल निवासमा संघीय समाजवादी फोरम नेपालका अध्यक्ष उपेन्द्र यादव र सहअध्यक्ष राजेन्द्र श्रेष्ठसँगको भेटमा उनले संविधान र कानूनअनुसार राष्ट्रियसभाको निर्वाचन गर्नका लागि दलहरु मिलेर जानका लागि आह्वान गरिन्।

‘राष्ट्रियसभाको निर्वाचनका लागि दलहरु मिल्नाको विकल्प छैन’, राष्ट्रपतिलाई उद्धृत गर्दै राष्ट्रपति कार्यालयका सञ्‍चारविज्ञ माधव शर्माले भने।

राष्ट्रियसभा गठन गर्न बहुमतीय कि एकल संक्रमणीय निर्वाचन प्रणाली अपनाउने भन्‍ने विषयमा दलबीच सहमति हुन सकेको छैन।

राष्ट्रपति भण्डारीले प्रधानमन्त्री देउवासहित नेपाली काँग्रेसका शीर्ष नेतासँग पनि शुक्रबार छलफल गरेको थियो।

यो पनि हेर्नुहोस्:

राष्ट्रपतिले देशलाई बन्धक बनाएको नेविसंघको आरोप

राष्ट्रपतिले अध्यादेश प्रमाणीकरण गर्नुपर्छ- यादव

पुस ९, २०७४ मा प्रकाशित
प्रतिक्रिया दिनुहोस्