अ
+
अ
अ
-
कास्की-पोखराको जिरो किलोमिटमा रोकी राखेको बसमा एक्कासी आगो लागेको छ।
रोडवेज ट्राभल्सको बेनी काठमाडौं गर्ने ना ५ ख ७२०४ नम्बरको सो बस झण्डै १ महिनादेखि सो स्थानमा पार्किङमा रहेको स्थानीयले बताए।
प्रत्यक्षदर्शीका अनुसार बसको सिट भित्रबाट फुसफुस धुँवा निस्किएको र आगलागी भएको हो।
घटना लगत्तै सो स्थानमा दमकल पुगेको छ भने नेपाल प्रहरी र सशस्त्र प्रहरीपनि घटना स्थल पुगिसकेका छन्।
आगलागिबाट बस भित्र पूर्ण क्षति भए पनि त्यस बाहेक थप क्षति हुनबाट जोगिएको छ।
लामो समय देखि सो स्थानमा पार्किङ किन गरिएको र के कारणले आगलागी हुन पुग्यो सो बारेमा अनुसन्धान पछि थाहा हुने जिल्ला ट्राफिक कार्यालय कास्कीका प्रहरी नायब निरीक्षक शिव थापाले बताए।
यो पनि हेर्नुहोस्:
भर्खरै
लोकप्रिय
