काठमाडौं – क्यान इन्फोटेक–२०१८ बिहीबारदेखि सुरु भएको छ । काठमाडौंको भृकुटीमण्डपमा सुरु भएको २४ औँ क्यान इन्फोटेक माघ १६ गतेसम्म चल्ने आयोजक कम्युटर एसोसिएशन अफ नेपाल (क्यान) का अध्यक्ष हेमन्तकुमार चौरसियाले जानकारी दिए ।

मुख्य प्रदर्शनी हलभित्र ४९ वटा ठूला र हल बाहिर ५ वटा ब्रान्डिङ् प्रदर्शनी कक्ष छन् । यस्तै ट्रसमा १४४, ओपन स्पेसहरु १४ र फुडस्टल १० गरी जम्मा २२२ स्टल रहेका छन् ।

मेलामा हार्डवेयर सेल्स तथा मेन्टीनेन्स्, पावर सोलुसन्स्, मोबाइल एसेसोरिज, डिलर र डिस्ट्रिव्युटर्स, ईन्टरनेट सेवा प्रदायक, टेलिकम्युनिकेशनस्, आई सीटी कलेज तथा ट्रेनिङ्ग ईन्स्टिच्युटस्, सफ्टवेयर सोलुसनस्, पेमेन्ट सोलुसन्स प्रदर्शनीका लागि राखिएको छ ।

सरकारी विद्यालयबाट मेला अवलोकन गर्न आउने विद्यार्थीको नामावली उपलब्ध गराएमा उनीहरुलाई निःशुल्क प्रवेश गर्ने व्यवस्था गरिएको कम्प्युटर एसोसिएसन अफ नेपाल (क्यान) महासंघका अध्यक्ष हेमन्त चौरसियाले जानकारी दिए ।

माघ ११, २०७४ मा प्रकाशित
प्रतिक्रिया दिनुहोस्