प्रधानाध्यापकविरुद्ध भ्रष्टाचार अभियोगमा मुद्दा

फाइल तस्बिर

काठमाडौँ-अख्तियार दुरुपयोग अनुसन्धान आयोगले तीन लाख २२ हजार २४० बराबरको भ्रष्टाचार गरेको अभियोगमा महेन्द्र आधारभूत विद्यालयका तत्कालीन प्रधानाध्यापक विनोदकुमार गौतमविरुद्ध विशेष अदालतमा विहीबार मुद्दा दायर गरेको छ।

विद्यालयको भवन, शौचालय निर्माणमा अनियमितता गरेको, छात्रवृत्तिका लागि प्राप्त भएको रकम विद्यार्थीलाई वितरण गरेको भन्‍ने सन्दर्भमा परेको उजुरीका आधारमा अनुसन्धान गर्दा तत्कालीन प्रअ गौतमको अनियमितता देखिएको आयोगको अनुसन्धानबाट खुलेको प्रवक्ता पदमप्रसाद पाण्डेयले जारी गरेको विज्ञप्तिमा उल्लेख छ।

आयोगले बिगो असुलउपर गरी कारबाही गर्ने मागदाबीसहित मुद्दा दायर गरेको जनाएको छ।

माघ ११, २०७४ मा प्रकाशित
प्रतिक्रिया दिनुहोस्