ट्रम्पको आरोप पछि एफबिआई उपनिर्देशकले दिए राजीनामा

एन्ड्रयू म्याककाबे । तस्बिर : रोयटर्स

अमेरिकाको संघीय जाँच आयोग (एफबिआई) उपनिर्देशक एन्ड्रयू म्याककाबेले राजीनामा दिएको छन् । राष्ट्रपति डोनाल्ड ट्रम्पले राजनीतिक रुपमा पूर्वाग्रही भएको आरोप लागएको केही दिनपछि राजीनामा दिएका हुन् ।

म्याककाबेले आउँदो मार्च १८ मा औपचारिक रुपमा अवकास लिँदै थिए । तर त्यसअघि नै उनलाई राजीनामा दिन बाध्य पारिएको अमेरिकी सञ्चारमाध्यम सिबिएस न्युजले जनाएको छ ।

राष्ट्रपति ट्रम्पले कानुन कार्यान्वयन गर्ने उच्च निकाय एफबिआईबाट उनी बाहिर गएको देख्न चाहेको एकहप्ता भित्रै म्याककाबेले राजीनामा दिएका हुन् ।

उनलाई एफबिआईका निर्देशक क्रिष्टोफर वरेले राजीनामा दिन दबाब दिएको एफबिआईको आन्तरिक स्रोतलाई उद्धृत गर्दै बिबिसीले जनाएको छ । ह्वाइट हाउसले भने म्याककाबेको राजीनामा आफ्नो कुनै भूमिका नरहेको दाबी गरेको छ ।

राष्ट्रपति ट्रम्प राजीनामाको प्रक्रियामा कतै सहभागी नरहेको दाबी गरिएको छ । गएको मेमा ट्रम्पले जेम्स कोमीलाई बर्खास्त गरेपछि म्याककाबे एफबिहाइको निर्देशक बनेका थिए ।

एफबिआईले सन् २०१६ मा भएको राष्ट्रपति चुनावमा रुसी दखलको विषयमा अनुसन्धान गरिरहेको थियो, जसमा रुसले ट्रम्पलाई सघाएको आरोप छ । कोमीलाई बर्खास्त गरेपछि वरेलाई एफबिआईको निर्देशकको रुपमा ट्रम्पले नियुक्त गरे ।

तर म्याककाबे भएकाले रुसी संलग्नता सम्बन्धी छानबिन रोक्न मिलेन र ट्रम्पले उनीमाथि राजनीतिक रुपमा पूर्वाग्रही भएको आरोप लगाएर राजीनामा दिन बाध्य पारेको अमेरिकी सञ्चारमा माध्यमको भनाई छ ।

माघ १६, २०७४ मा प्रकाशित
प्रतिक्रिया दिनुहोस्