आजको मौसम : पहाडी क्षेत्रमा आंशिक बदली, तराईमा हुस्सु

काठमाडौं – देशको पूर्वी र पश्चिम पहाडी क्षेत्रमा आंशिक बदली भएको र दिनभरि नै त्यस क्षेत्रको मौसम यस्तै रहने जल तथा मौसम पूर्वानुमान महाशाखाले जनाएको छ ।

यस्तै तराईका अधिकांश क्षेत्रमा अहिले हुस्सु लागेको छ । काठमाडौंमा बिहानदेखि गुहिरो लागेको तर यो केही घण्टा हटेर दिउँसो मौसम सफा रहने मौसमविद राजुप्रधानाङ्गले जानकारी दिए ।

तराईका क्षेत्रमा लागेको हुस्सु दिउँसो र केही ठाउँमा अपराहन्न तिर हट्ने उनले बताए । केही दिनदेखि न्युनतम तापक्रम बढ्न थालेकाले अब बिस्तारै जाडो कम हुँदै जान थालेको उनले बताएका छन् ।

काठमाडौं उपत्यकामा बुधबार बिहान न्युनतम ताक्रम ४.५ डिग्री मापन गरिएको छ । यो अघिल्ला दिनको तुलनामा केही बढी हो । पानी पार्ने प्रणाली नबनेकाले तत्काल पार्नी पर्ने सम्भावना पनि नरहेको मौसम पूर्वानुमान महाशाखाले जनाएको छ ।

माघ १७, २०७४ मा प्रकाशित
प्रतिक्रिया दिनुहोस्