को हुन् मुख्यमन्त्री पृथ्वीसुब्बा गुरुङ ?

पृथ्वीसुब्बा गुरुङ

पोखरा – नेकपा एमालेका सचिव पृथ्वी सुब्बा गुरुङ प्रदेश ४ को पहिलो मुख्यमन्त्री नियुक्त भएका छन् ।

सोमबार माओवादी केन्द्र र नेकपा एमालेका बहुमत प्रदेशसभा सदस्यको हस्ताक्षरसहितको प्रस्ताव प्रदेश प्रमुख बाबुराम कुँवरलाई बुझाए पछि उनलाई कुँवरले मुख्यमन्त्रीमा नियुक्त गरेका हुन् । गुरुङले फागुन २ गते दिउँसो २ बजे प्रदेश प्रमुखको निवासमा शपथ लिनेछन् ।

प्रदेश तथा प्रतिनिधिसभा निर्वाचन अघि नै मुख्यमन्त्रीको आकांक्षीका रुपमा चर्चामा रहेका उनी एमालेकै अर्का आकांक्षी तथा प्रदेश नम्बर ४ का इन्चार्ज किरण गुरुङलाई आफ्नो पक्षमा सहमत बनाएर मुख्यमन्त्री बन्न सफल भएका हुन् ।

मुख्य मन्त्रीको नियुक्त लिएसँगै उनले छोटा प्रतिक्रिया दिँदै भने ‘प्रदेश ४ को समृद्धिलाई केन्द्रविन्दुमा राखेर काम गर्छु । आर्थिक समृद्धि लगायत विविध कुराको कानुन निर्माणसँगै विकासले गति लिन्छ ।’

उनले प्रदेश ४ लाई टुकी बिहीन प्रदेश बनाउने घोषणा गर्दै विद्युत सहज उपलब्धतामा ध्यान दिने र यस भूगोललाई प्रमुख पर्यटकीय हब बनाउन प्राथमिकताका साथ काम गर्ने बताए । प्रतिपक्षलाई पनि साथमा लिएर विकास, समृद्धि र सशासनकोलागि साझा एजेण्डा बनाएर अघि बढ्ने बताए ।

को हुन् मुख्यमन्त्री गुरुङ ?

२०१४ सालमा गिलुङ गाविस ८, टक्सार लमजुङ जन्मिएका उनी गंगाप्रसाद र चिनी गुरुङका सन्तान हुन् । उनको राजनीतिक यात्रा २०२७ सालमा ईशानेश्वर प्रमोद हाईस्कुल, भोर्लेटारमा अनेरास्ववियूको तर्फबाट स्ववियु सचिव निवार्चित भएसँगै सुरु भएको हो ।

उनले सक्रिय राजनीति भने पञ्चायतकाल २०३४ सालदेखि गरेका हुन् । विज्ञानमा स्नातक गरेका गुरुङ सुरुमा शिक्षण पेशामा आवद्ध थिए ।

२०४० मंसिरमा नेपाल राष्ट्रिय शिक्षक संगठनको जिल्ला अध्यक्षमा उनी निवार्चित भएका थिए । शिक्षणमै हुँदा आन्दोलनमा उत्रेकाले उनी पटक पटक पञ्चायतकालमै प्रहरी हिरासतमा समेत परेका थिए ।

२०६४ सालमा भएको पहिलो संविधानसभा निर्वाचनमा लमजुङ क्षेत्र नम्बर २ बाट १९ हजार ५ सय ८३ मतसहित उनी विजयी भएका थिए ।

गुरुङले कांग्रेस उम्मेदवार घर्तीलाई ६ हजारको मतान्तरले हराएका थिए । नेकपा एमालेमा सचिवको जिम्मेवारी बहन गरेका उनी नेपाली कांग्रेसका तत्कालीन सभापति गिरिजाप्रसाद कोइराला नेतृत्वको सरकारमा संस्कृति, पर्यटन तथा नागरिक उड्ययन मन्त्री पनि बनेका थिए ।

गुरुङले आदिवासी जनजाति महासंघको नेतृत्व समेत गरेका छन् । लमजुङमा कम्युनिष्ट राजनीतिको जगलाई बलियो बनाउन उनको भुमिकाको प्रशंसा हुने गरेको छ ।

सम्बन्धित समाचार 

पृथ्वी सुब्बा गुरुङ प्रदेश ४ मुख्यमन्त्री नियुक्त, पर्सि शपथ हुने

फाल्गुन १, २०७४ मा प्रकाशित
प्रतिक्रिया दिनुहोस्

सम्बन्धित वर्गका समाचारहरू

प्रदेश सरकारले क्रिकेट खेलाडी केसीलाई एक लाख दिने घोषणा

पोखरा – नेकपा एमालेका सचिव पृथ्वी सुब्बा गुरुङ प्रदेश ४ को पहिलो मुख्यमन्त्री नियुक्त भएका छन् । सोमबार माओवादी केन्द्र…

चारआली केचना सडक नजिकका बासिन्दा भन्छन्-हामीलाई धुलोले छोप्यो

पोखरा – नेकपा एमालेका सचिव पृथ्वी सुब्बा गुरुङ प्रदेश ४ को पहिलो मुख्यमन्त्री नियुक्त भएका छन् । सोमबार माओवादी केन्द्र…

कांग्रेस संसदीय दलको नेतामा देउवा र सिंह भिड्दै, सशांक रिङ आउट

पोखरा – नेकपा एमालेका सचिव पृथ्वी सुब्बा गुरुङ प्रदेश ४ को पहिलो मुख्यमन्त्री नियुक्त भएका छन् । सोमबार माओवादी केन्द्र…

ओलीलाई मन्त्री छान्न मुस्किल, के समावेशी बन्ला मन्त्रिमण्डल?

पोखरा – नेकपा एमालेका सचिव पृथ्वी सुब्बा गुरुङ प्रदेश ४ को पहिलो मुख्यमन्त्री नियुक्त भएका छन् । सोमबार माओवादी केन्द्र…

सहकारीमैत्री कानुन बनाउन मुख्यमन्त्रीको जोड

पोखरा – नेकपा एमालेका सचिव पृथ्वी सुब्बा गुरुङ प्रदेश ४ को पहिलो मुख्यमन्त्री नियुक्त भएका छन् । सोमबार माओवादी केन्द्र…