रक्सी खाएर कुटपिट गरी श्रीमतीको हत्या

ग्राफिक्स।
पोखरा- कास्कीको मादी गाउँपालिका वडा नं ५ मा मादक पदार्थ सेवन गरि आएका श्रीमानले घरायसी विवादमा श्रीमतीको हत्या गरेका छन्।

मादी ५ को वयरघारी वस्ने वर्ष ४६ कि गौमाया विकलाई उनकै श्रीमान वर्ष ४३ का एकबहादुर बिकले कुटपिट गरी हत्या गरेको प्रहरीले जनाएको छ। श्रीमतीको हत्या गरेर बहिनीको घरमा लुकेको अवस्थामा मंगलबार बिहान उनलाई प्रहरीले नियन्त्रणमा लिएको हो।

माघ २९ गते राति १० बजेको समयमा मादक पदार्थ सेवन गरेर विकले श्रीमतीको हत्या गरेको प्रारम्भिक अनुसन्धानमा देखिएको जिल्ला प्रहरी कार्यालय कास्कीका प्रवक्ता खडकबहादुर खत्रीले जानकारी दिए। नियन्त्रणमा रहेका बिकको बारेमा आवश्यक अनुसन्धान गरी कारबाही गरिने खत्रीले बताए।

फाल्गुन १, २०७४ मा प्रकाशित
प्रतिक्रिया दिनुहोस्