आन्दोलनरत वीरगञ्ज बासिन्दासँग आज वार्ता हुँदै

सोमबारको बैठकमा सहभागी मर्यादापालकहरु। तस्बिर: देशसञ्चार

जनकपुर – प्रदेश नम्बर २ को राजधानी वीरगञ्ज हुनु पर्ने माग गर्दै आन्दोलन थालेका वीरगञ्ज बासिन्दासँग मंगलबार प्रदेश सरकारले वार्ता गर्दैछ ।

प्रदेश नम्बर २ को अस्थायी राजधानी जनकपुर तोकेपछि वीरगञ्जमा आन्दोलन भइरहेको छ । जनकपुरलाई अस्थायी मुकाम तोकेपछि राजधानीको माग गर्दै आन्दोलनरत्त वीरगञ्जका आन्दोलनकारीलाई प्रदेश सरकारले मंगलबार वार्तामा बोलाएको हो ।

आन्दोलनरत्त वीरगञ्ज संघर्ष समितिसँग हुने वार्तामा प्रदेश सरकारको तर्फबाट भौतिक पूर्वाधार विकासमन्त्री जितेन्द्र सोनल बस्ने छन् ।

मुख्यमन्त्री लालबाबु राउतले वार्ता गर्ने जिम्मा मन्त्री सोनललाई दिएका हुन् । प्रदेशको स्थायी राजधानी प्रदेशसभाको दुई तिहाई बहुमतबाट तोक्ने संंवैधानिक व्यवस्था छ ।

फाल्गुन ८, २०७४ मा प्रकाशित
प्रतिक्रिया दिनुहोस्