बाघका यी तस्कर जाे पाँच वटा छाला तस्करीमा स‌ंलग्न थिए

काठमाडौं- नेपाल‌मा बाघ मारेर त्यसको छाला र हड्डी तस्करी गरेको आरोपमा दोषी ठहर भएका काठमाडौंका लोडु डीमे भारतबाट पक्राउ परेका छन्।

२०६९ सालमा काठमाडौंबाट पाँच वटा बाघका छाला र  हड्डी रसुवातर्फ लैजादै गर्दा पक्राउ परेको घटनामा पुनरावेदन अदालत पाटनले पाँच दोषी ठहर गर्दै पाँच वर्षको कैद सजाय सुनाएको थियो।

आइचर गाडीमा पाँचवटा बाघका छाला तथा हड्डी राखिएका सात वटा बोरा ककनीमा प्रहरी जाँचमा बरामद भएको थियो। प्रहरीले गाडी धनी सुकबहादुर तामाङ र चालक नकुल तामाङलाई पनि पक्राउ गरेको थियो।

चामलको बोराहरुबीच लुकाएर लैजाँदै गरेको अवस्थामा ती छाला बरामद भएका थिए। अनुसन्धानका क्रममा सुक बहादुरले बौद्धस्थीत डीमेको घरबाट तीन सामान ल्याईएकाे बताएका थिए।

जिल्ला वन कार्यालय नुवाकोटले डीमेलाई एक लाख जरिवाना मात्रको फैसला गरेपछि त्यसविरुद्ध पुनरावेदन भएको थियो।

भारतिय इन्टरपोलको सहयोगमा डीमेले पक्राउ परेका हुन्। तीब्बतियन मुलका डीमे अंगिकृत नेपाली नागरिक हुन्।

फाल्गुन २१, २०७४ मा प्रकाशित
प्रतिक्रिया दिनुहोस्