चपलीमा मोटरसाइकल र कार ठोक्किँदा एकजनाको मृत्यु

काठमाडौं – काठमाडौंको चपलीमा मोटरसाइकल र कार ठोक्किँदा एकजनाको ज्यान गएको छ भने दुईजना घाइते भएका छन् ।

चपली घुम्तीमा शनिबार बेलुका तीनजना चढेको बा ७९ प ७७१ नम्बरको मोटरसाइकल र बा २ च ६३१६ नम्बरको कार आपसमा ठोक्किँदा मोटरसाइकलको पछाडि बसेका काठमाडौंको जमलका २६ वर्षे सुनिल थापाको ज्यान गएको प्रहरीले जनाएको छ ।

दुर्घटना गम्भीर घाइते भएका उनको त्रिवि शिक्षण अस्पताल महाराजगंजमा उपचारको क्रममा ज्यान गएको हो ।

घाइते भएका मोटरसाइकल चालक गुर्जुधाराका २० वर्षे सुधनप्रसाद लामिछाने र मोटरसाइकलको पछाडि बसेका रामेछापका २५ वर्षे सरोज घिमिरेको शिक्षण अस्पतालमै उपचार भइरहेको छ ।

फाल्गुन २७, २०७४ मा प्रकाशित
प्रतिक्रिया दिनुहोस्