प्रदेश नं. १ का प्रमुखका लागि स्थायी निवास र कार्यालय

विराटनगर – झण्डै दुई महिनाको अस्थायी बसाईपछि प्रदेश नम्बर १ का प्रमुख प्रा. डा. गोविन्द तुम्बाहांग स्थायी निवास र कार्यालय सर्ने भएका छन् ।

गएको माघ ७ गतेदेखि औपचारिक रुपमा प्रदेश प्रमुखमा नियुक्त भएदेखि नै विराटनगरको वडा न. १३ स्थित कोशी प्रोजेक्टमा रहँदै आएका तुम्बाहांगको निवास र उनको कार्यालय सर्ने भएको हो ।

जिल्ला प्रशासन कार्यालय तथा प्रदेशप्रमुख कार्यालयको छनौटमा विराटनगर ३ स्थित बालकल्याण गृहको कार्यालयमा सर्ने लागेको प्रमुख स्वकीय सचिव रामकृष्ण गुरागाईले जानकारी दिए ।

झण्डै ४ कट्ठा क्षेत्रफलमा रहेको भवनमा कुल १२ वटा कोठा रहेको सचिव गुरागाईले जानकारी दिए ।

“प्रदेश प्रमुखको भेटघाट, सुरक्षा तथा कार्यक्रम आयोजना गर्नका लागि हालको स्थान सानो र उपर्युक्त छैन, त्यसैले पनि हामीले अर्को उपर्युक्त स्थान खोजी गरेका हौँ”, सचिव गुरागाईले स्पष्ट पारे ।

सचिव गुरागाईले भने, “प्रमुखको कार्यालय र निवास एकै स्थान हुँदा उपर्युक्त हुन्छ । जसले काम गर्न, भेटघाट गर्नपनि सहज हुन्छ । यसका लागि जिल्ला प्रशासन कार्यालयले पनि हाल मर्मत भइरहेको भवन उपयुक्त रहेको जनाएको छ ।”

शहरी डिभिजन कार्यालयले भवनमा लागि मर्मत सम्भार गरिरहेको छ । प्रदेशप्रमुखका प्रेस संयोजक शेखर रेग्मीका अनुसार, कार्यालयमा एउटा मात्र कोठा रहेको छ ।

कर्मचारी र प्रमुख बसोबास गर्ने अवस्था छैन । यसै कारण पनि प्रमुख हालसम्म कार्यालयमा समयदिन सकिरहेका छैनन् । सुरक्षा निकायका कर्मचारी राख्नका लागि पनि समस्या रहेको छ ।

फाल्गुन २८, २०७४ मा प्रकाशित
प्रतिक्रिया दिनुहोस्

सम्बन्धित वर्गका समाचारहरू