विमान दुर्घटना अपडेट

केही यात्रुका शव केएमसीमा, केही नेपाली विद्यार्थी पनि परेको आशंका

युएस बांग्ला एयरको दुर्घटनग्रस्त विमानका घाइते यात्रुहरुलाई सिनामंगलस्थित काठमाडौँ मेडिकल कलेजमा उपचार गरिँदै। तस्बिर-दीपा दाहाल/देश सञ्‍चार

काठमाडौँ-युएस बांग्ला एयरको विमान दुर्घटनाका २७ यात्रुहरुलाई उपचारका लागि भन्दै सिनामंगलस्थित काठमाडौँ मेडिकल कलेज लगिए पनि ८ जनाको पहिल्यै ज्यान गइसकेको अस्पताल स्रोतले जानकारी दिएको छ। तीमध्ये केही नेपाली विद्यार्थी रहेको र अधिकांश शव जलेको अस्पतालले जानकारी दिएको छ।

बंगलादेशबाट चालकदलका ४ सहित ७१ यात्रु लिएर काठमाडौँ आएको विमान अवतरणका क्रममा धावनमार्गबाट पर उछिट्टिएर आगलागीमा परेको थियो। अस्पताल ल्याइएका अन्य यात्रुको अवस्थाबारे बताइएको छैन।

तस्बिरहरु-दीपा दाहाल/देश सञ्‍चार

यो पनि पढ्नुहोस्

फाल्गुन २८, २०७४ मा प्रकाशित
प्रतिक्रिया दिनुहोस्