प्रधानन्यायाधीश पराजुली पदमुक्त

काठमाडौं- न्याय परिषद् सचिवालयले प्रधानन्यायाधीश गोपाल पराजुली पदमा नरहेको जानकारी गराएको छ। न्याय परिषद् सचिवालयले उमेरका आधारमा उनी पदमा नरहेको जानकारी पराजुलीलाई नै पत्रमार्फत गराएको हो।

सचिवालयले बुधबार नै परीक्षा नियन्त्रण कार्यालयबाट प्राप्त पत्रका अाधारमा पराजुली गत साउन २१ गतेदेखि नै ६५ वर्ष पुगिसकेकाले बुधबारदेखि नै पदमुक्त रहेको जानकारी गराएको छ।

परिषद् सचिवालयमा रहेको पराजुलीको नागरिकता, शैक्षिक योग्यता, विवरण तथा परीक्षा नियन्त्रण कार्यालय सानोठिमी भक्तपुरबाट बुधबार नै प्राप्त पत्रको आधारमा सचिव स्तरीय निर्णयबाट पराजुली पदमा नरहेको निर्णय गरिएको न्याय परिषद् सचिवालयबाट जारी गरिएको पत्रमा उल्लेख गरिएको छ।

न्याय परिषद् सचिवालयका सचिव नृपध्वज निरौलाले पराजुलीलाई पत्र पठाउँदै उनि पदमा नरहेको जानकारी गराएको हुन्।

पत्रमा लेखिएको छ, न्याय परिषद् ऐन २०७३ को दफा ३१ मा कुनै न्यायाधीश उमेरका कारणले अवकास हुने भएमा सो को जानकारी सम्बन्धित न्यायाधीश र निकायलाई गराउनु पर्नेछ भन्ने प्रावधान रहेको सन्धर्भमा प्रधानन्यायाधीश पराजुलीको न्याय परिषद् सचिवालयमा रहेको नागरिता, शैक्षिक योग्यता, सिटरोल विवरण तथा परिक्षा नियन्त्रण कार्यालय सानोठिमीले बुधबार नै चलानी नम्बर ४२४/०७४/७५ को पत्र पत्र समेतका आधारमा न्याय परिषद् ऐनको उपदफा ७ बमोजिम पराजुलीको ६५ वर्ष उमेर गत साउन २१ गते मा नै पुरा भइसकेको छ।

पराजुलीको नागरिताका कायम गरिएको जन्ममिति २००९ साल साउन २१ गते अनुसार अवकास पाएका हुन्।

 

 

फाल्गुन ३०, २०७४ मा प्रकाशित
प्रतिक्रिया दिनुहोस्