सन्दर्भ : विश्व कविता दिवस

साझा मानवीय संवेदना र सपना समेट्ने माध्यम कविता

काठमाडौं – हर्ने फरक आँखा । देख्ने फरक तस्बिर । दुःखलाई त्यो भन्दा पर । खुशीलाई भए भन्दा सुन्दर देख्ने अनि देखाउने माध्यम कविता । मानवीय सिर्जनाको उच्चतम सिर्जनात्मक स्वरुप कविताको सम्मान गर्दै बुधबार विश्व कविता दिवस मनाईंदै छ ।

कविता मानवीय संवेदना अनि समय र समुदायको परिवेशको चिरित्र चित्रण । भावनालाई फरक रुपमा देखाउने कला । रहरलाई सपना र सपनालाई रहर बनाउन सक्ने माध्यम ।

विज्ञापन

यसको सम्मानमा विश्वभरका कवी जो आफूले बोल्ने वा लेख्ने भाषामा लेख्छन् । अनि उनीहरु पनि जो आफूले बुझ्नो जुन छ त्यही माध्यमबाट कविता सुन्छन्, उनीहरुले बुधबार विश्वभर कविता दिवस मनाउँदैछ ।

विश्व कविता दिवस काठमाडौं उपत्यकासहित देशभर विभिन्न कार्यक्रम गरिँदैछ । दिवसको अवसरमा भक्तपुरमा विशेष कार्यक्रम हुँदैछ । अरु साहित्यिक संघ–संस्थाले पनि कार्यक्रम गर्दै छन् ।

सन् १९९९ मा संयुक्त राष्ट्रसंघको शैक्षिक तथा सांस्कृतिक संगठन युनेस्कोले मार्च २१ तारिखलाई विश्व कविता दिवसका रुपमा मनाउने घोषणा गरेपछि दिवस मनाउन थालिएको हो । नेपालमा भने सन् २००२ देखि मात्रै कविता दिवस मनाउन थालिएको हो ।

कविताले साझा मानवीय भावना सार्वजनिक गर्ने र त्यसलाई सम्मान गर्नका लागि दिवस महत्वपूर्ण हुने युनेस्कोले जनाएको छ ।

जुन भाषामा लेखिएको भए पनि कविताले समेट्ने भनेको मानवीय संवेदना, साझा प्रश्न, साझा भावना रहेको युनेस्कोको भनाई छ । कवितात्मक अभिव्यक्तिले भाषाको संरक्षणमा पनि सहयोग पुग्ने युनेस्कोको भनाई छ ।

कविताको आधार मौखिक रुपमा पुस्ता पुस्तामा हस्तान्तरण हुँदै आएको कलात्मक प्रस्तुतिसँग जोडिएको छ । दिवसले यो सँस्कृतिलाई सहयोग पु¥याउने अपेक्षा पनि गरिएको छ ।

विश्व कविता दिवस सोमबार विभिन्न कार्यक्रम गरी मनाईंदै छ । नेपाल प्रज्ञा प्रतिष्ठानले कविता गोष्ठी आयोजना गरेको छ । यस्तै भक्तपुरमा पनि विशेष कार्यक्रम हुँदैछ । अरु साहित्यिक संघ–संस्थाले पनि कार्यक्रम गर्दै छन् ।

सन् १९९९ मा संयुक्त राष्ट्रसंघको शैक्षिक तथा सांस्कृतिक संगठन युनेस्कोले मार्च २१ तारिखलाई विश्व कविता दिवसका रुपमा मनाउने घोषणा गरेपछि दिवस मनाउन थालिएको हो । नेपालमा भने सन् २००२ देखि मात्रै कविता दिवस मनाउन थालिएको हो ।

कविताले मानिसको वाक स्वतन्त्रतालाई बल र्पुयाउने भएकाले समृद्ध समाजका लागि निकै महत्वपूर्ण रहेको युनेस्कोले जनाएको छ  ।कवितात्मक अभिव्यक्तिले भाषाको संरक्षणमा पनि सहयोग पुग्ने युनेस्कोको भनाई छ ।

चैत्र ७, २०७४ मा प्रकाशित
प्रतिक्रिया दिनुहोस्