वर्षा र सहकालका देवता मानिने सेतो मच्छिन्द्रनाथको जात्राका लागि जमलमा रथ निर्माण गरिँदै।यस वर्ष सेतो मच्छिन्द्रनाथको जात्रा चैत ११ गते परेको छ। तस्बिर-सुलभ श्रेष्ठ/देश सञ्‍चार

काठमाडौं – हरेक वर्ष चैत्र शुक्ल अष्टमीका दिन सुरु हुने सहकालका देवता सेतो मत्स्येन्द्रनाथको रथ यात्रा आइतबारदेखि सुरु गरिँदै छ । आइतबार अष्टमी तथा नवमी दुवै परेकाले अष्टमीको तिथि पारेर रथ यात्रा सुरु गरिन लागेको हो ।

आइतबार दिन तीनधारा पाठशालाबाट सुरु हुने रथयात्रालाई असनसम्म, दोस्रो दिन असनबाट कालभैरवसम्म, तेस्रो दिन कालभैरवबाट लगनटोलसम्म लगिन्छ । चौथो दिन अर्थात् चैत्र शुक्ल एकादशीका दिन मूर्तिलाई सानो रथमा राखी लगनटोलबाट मत्स्येन्द्रबहालसम्म यात्रा चलाइन्छ ।

मत्स्येन्द्रबहालमा रथ ल्याएपछि पूजा गरी प्रसाद खाइन्छ । यसपछि घर घरमा भोज खाने चलन छ । यो विधि अपनाएमा देशमा अनिकाल हटी सहकाल आउँछ भन्ने स्वयम्भू पुराणको बुद्धवचनमा उल्लेख छ । आइतबार बिहान अष्टमी हुँदा नै सूर्योदय हुने भएकाले सेतो मत्स्येन्द्रनाथको रथयात्रा पनि आइतबार नै सुरु हुने भएको हो ।

सम्बन्धित समाचार 

सेतो मच्छिन्द्रनाथको रथ बनाउन सुरु (फोटो फिचर)

चैत ११, २०७४ मा प्रकाशित
प्रतिक्रिया दिनुहोस्