प्रधानमन्त्री ओलीले भने, ‘धर्म प्रचार गर्न नदिएको झोँकमा इयुले हेप्यो’

प्रतिवेदन सार्वजनिक गर्ने क्रममा केपी ओली। तस्बिर: दीपा दाहाल

काठमाडौँ- प्रधानमन्त्री केपी शर्मा ओलीले युरोपेली युनियनले धर्म प्रचार गर्न नदिएको झोँकमा नेपाल र नेपालीलाई हेपेर बोलेको र काम गरेको उल्लेख गर्दै हेपेको नसहने बताएका छन्।

राष्ट्रिय निर्वाचन पर्यवेक्षक समितिको प्रतिवेदन आइतबार सार्वजनिक गर्दै प्रधानमन्त्री ओलीले भने, ‘युरोपेली युनियनले नेपाली र नेपाललाई हेपेर बोलेको र काम गरेको छ, त्यसलाई सच्याउन अनुरोध गर्दा झन् बचाउ गर्‍यो। नेपाल सार्वभौम मुलुक हो । हामीले हेपेको सहन सक्दैनौँ।’

उनले धाक लगाएर नेपाली जनतालाई बगाउन नपाइने बताए। उनले भने, ‘अधिकांश युवा रोजगारका लागि खाडी मुलुक जाँदा मत कम खसेको हो। ७३ प्रतिशात मत खस्नु गर्वको कुरा हो,’ प्रधानमन्त्री ओलीले भने, ‘निर्वाचन पर्यवेक्षणका नाममा नेपालको संविधान, सामजिक संरचना र उपलब्धिमाथि धावा बोल्ने छुट छैन।’

उनले धर्म प्रचार गर्न नदिएको झोँक प्रतिवेदनमा देखाउन नमिल्ने भन्दै युरोपेली युनियनको चर्को प्रतिवाद गरेका छन्। उनले भने, ‘हामी पूर्ण प्रजातान्त्रिक हो। हामी कोहीभन्दा कम छैनौँ। बेलायतले नेपालजस्तै आफ्नो संसद र सरकारमा १/२ प्रतिशत महिलाको संख्या बढी बनाएर देखाओस्।’

सम्बन्धित समाचार 

खस आर्यको आरक्षण खारेज गर्न युरोपियन युनियनको सुझाव

युरोपेली युनियनको प्रतिवेदनमथि सरकारको आपत्ति

युरोपेली युनियनद्वारा प्रतिवेदन सच्याउन अस्वीकार

चैत ११, २०७४ मा प्रकाशित
प्रतिक्रिया दिनुहोस्