पर्सा र सप्तरीमा दुर्घटना, २ जनाको मृत्यु, २ घाइते

पर्सा – पर्साको संखुवाप्रसौनीमा मोटरसाइकल दुघृटना हुँदा चालकको ज्यान गएको छ ।

संखुवाप्रसौनी गाउँपालिका–५ मा आइतबार बेलुका ना ५१ प २७७ नम्बरको मोटरसाइकलले ना १ त ८८७६ नम्बरको ट्रयाक्टरलाई ओभरटेक गर्ने क्रममा विपरित दिशाबाट आएको ना ४० प ३८२४ नम्बरको मोटरसाइलसँग ठोक्किँदा दुर्घटना भएको हो ।

विज्ञापन

दुर्घटनामा ना ५१ प २७७ नम्बरको मोटसाइकलका चालक संखुवाप्रसौनीकै २२ वर्षे लक्ष्मीकान्त कलवारको ज्यान गएको प्रहरीले जनाएको छ ।

यस्तै आइतबार राति सप्तरीको सुरुङ्गा नगरपालिका–५ कुसाहामा मोटरसाइकलले साइकललाई ठक्कर दिँदा एकजनाको ज्यान गएको छ । अरु दुईजना घाइते भएका छन् । ज्यान गुमाउनेमा स ९ प नम्बरको मोटरसाइकलका चालक सिरहाको सुखीपुर–५ का ३५ वर्षे राजीवकुमार चौधरी रहेका छन् ।

यस्तै मोटरसाइकलको पछाडि बसेका सप्तरीको बोदेबर्साइन नगरपालिका–८ का ३० वर्षे भुनेश्वर चौधरी र साइकल चालक सुरुङ्गा नगरपालिका–८ का ३० वर्षे महेश ठाकुर घाइते भएका छन् । उनीहरुको लहान उपचार भइरहेको छ ।

चैत्र १२, २०७४ मा प्रकाशित
प्रतिक्रिया दिनुहोस्