बल टेम्परिङ्ग

अस्ट्रेलियाली कप्तान स्मिथ र उपकप्तान वार्नरमाथि १ वर्षको प्रतिबन्ध

अस्ट्रेलियाका कप्तान स्टीभन स्मिथ र उपकप्तान डेविड वार्नरमाथि एक वर्षको प्रतिबन्ध लागेको छ । बल टेम्परिङ्ग मामिलाका उनीहरुमाथि क्रिकेट अस्ट्रेलियाले एक वर्षको प्रतिबन्ध लगाउने निर्णय गरेको हो ।

बल टेम्परिङ्ग गरेका क्यामरन बेनक्राफ्टमाथि ९ महिनाको प्रतिबन्ध लागेको छ । दक्षिण अफ्रिकासँगको तेस्रो टेस्टमा भएको बल टेम्परिङ्गको घटना बाहिर आएपछि यस बारे क्रिकेट अस्ट्रेलियाले अनुसन्धान सुरु गरेको थियो । तीनैजनालाई यसअघि नै अस्ट्रेलियाले दक्षिण अफ्रिका भ्रमणबाट फिर्ता बोलाएको थियो ।

कप्तान स्टीभन स्मिथअस्ट्रेलिया र दक्षिण अफ्रिकाबिचको चौथो टेस्ट क्रिकेट शुक्रबारदेखि सुरु हुँदैछ । बल टेम्परिङ्गको घटना बाहिर आएपछि अस्ट्रेलियका प्रधानमन्त्रीले समेत दुःख व्यक्त गरेका थिए ।

अस्ट्रेलियाका प्रधानमन्त्री म्याल्कम टर्नबुलले दक्षिण अफ्रिकाबाट आएको खबरले आफूहरु निराश रहेको बताएका थिए । उनले भनेका छन्, ‘विश्वास गर्न कठिन छ, कि अस्ट्रेलियाली टिमले यस्तो ग¥यो । हाम्रो क्रिकेट रोड मोडल रहँदै आएको छ र यो भद्र व्यक्तिले खेल्ने खेल हो ।’

२८ वर्षका स्मिथ र २५ वर्षका बेनक्राफ्टले कम्तिमा आउँदो दुई वर्षसम्म कुनै पनि टिमको कप्तानी गर्न नपाउने गरी निलम्बन गरिएको छ । यस्तै ३१ वर्षका वार्नर भने कुनै टिमको कप्तानको रुपमा भविष्यका लागि नहेरिएको क्रिकेट अस्ट्रेलियाले जनाएको छ ।

कप्तान स्टीभन स्मिथबेनक्राफ्टले दक्षिण अफ्रिकासँगको तेस्रो टेस्टको क्रममा बलमा गडबडीका लागि स्याण्डपेपर प्रयोग गरेको पनि पुष्टि गरेको छ । तर गएको शनिबार स्मिथ र बेनक्राफ्टले पत्रकार सम्मेलनमा पहेँलो टेप रहेको भन्दै घटनालाई मोड्ने प्रयास गरेका थिए ।

क्रिकेट अस्ट्रेलियाले यसअघि नै घटनामा प्रशिक्षक डरेन लेहम्यानको संलग्नता नरहेको बताइ सकेको थियो । क्रिकेट अस्ट्रेलियाका प्रमुख जेम्स सदरल्याण्डले तीनै खेलाडी अहिले निराश, हतास र लाजले ग्रस्त रहेको पनि बताएका छन् ।

चैत १५, २०७४ मा प्रकाशित
प्रतिक्रिया दिनुहोस्