अमेरिका लगिदिने भन्दै टोगोमा अलपत्र परेका ६ नेपालीको उद्धार
टोगोको झन्डा।
काठमाडौँ- रोजगारीका लागि अमेरिका पठाइदिने भन्दै दलालले पश्चिमी अफ्रिकी देश टोगोमा पुर्याएर अलपत्र पारेका ६ जना नेपालीको उद्दार गरिएको छ। उनीहरुलाई नेपाली दूतावास र एनआरएनएको सहयोगमा उद्धार गरिएको एनआरएनए नाइजेरियाका कोषाध्यक्ष हिक्मत थापाले बताएका छन्।
उद्धार गरिएकामा महेश्वर आचार्य, कमल बहादुर घर्ती, मिनबहादुर पुन, अशोक पौडेल, जीवन श्रेष्ठ र सोनामछिरी शेर्पा छन्।
दक्षिण अफ्रिकास्थित नेपाली दूतावासले ट्राभल डकुमेन्ट बनाएपछि तथा एनआरएनएका विभिन्न व्यक्तिको सहयोगमा उनीहरुको उद्धार गरिएको हो।
उनीहरु आइतबार नेपाल आइपुग्ने छन्।
