बेलायतको द एसोसिएसन अफ फोटोग्राफरले आफ्नो स्थापनाको ५० औँ वर्षगाँठ मनाइरहेको छ । यस अवसरमा एओपीले फोटो प्रदर्शनी गरेको छ । जसमा राम्रा तस्बिर प्रदर्शनका लागि राखिएको छ ।


यो तस्बिर रोरी कार्नेगीले सन् २०१३ मा खिचेका हुन् । सन् १९७० मा खुलेको काट्सवोल्ड वाइल्ड लाइफ पार्कमा जन्मिएको यो गैँडाको चौथो बच्चा हो । यसको नाम एलन राखिएको थियो ।
यो तस्बिर विश्वकी पहिलो सुपर मोडल ट्विगीको हो । उनको तस्बिर ब्यारी ल्याटिगनले खिचेका हुन् ।
यो तस्बिर फोटोग्राफर जोनथन एण्डरसन र एडविन लोको हो । यी दुई नेशनल डेनिश जिमनास्टिक टिममा सन् १९९८ देखि २००२ सम्म रहे । उनीहरुले पृथ्वी, अग्नी, जल र आकाश थिममा यो तिस्बर खिचेका हुन् ।
नेल्सन मण्डेलाको यो तस्बिर सन् १९९७ को हो । यो तस्बिर जिलियन एडेलस्टिनले खिचेका हुन् र उनले चार वर्षसम्म मण्डेलाको तस्बिर खिचेका थिए ।
फ्यारो द्विपामा स्थानीय परम्परागत सँस्कृति अनुसार ह्वेल माछा मार्ने गरिन्छ । त्यहि क्रममा सन् १९९६ मा एडम वुल्फिटले खिचेको तस्बिर हो यो । यसलाई नेशनल ज्योग्राफिकले प्रकाशित गरेको थियो ।
क्यानडाको अब्राहम ताल जमेको अवस्थामा पउल वेकफिल्डले सन् २०११ मा खिचेका हुन् ।
यो एनल ब्रकिङ्गको तस्बिर हो । द प्रेगनेन्ट म्यान नाममा यो तस्बिर सन् १९७० मा बेलायतको फ्यामिली प्लानिङ्ग एसोसिएसनले एक विज्ञापनमा प्रयोग गरेको थियो । गर्भनिरोधक साधनको महत्व बुझाउनका लागि प्रयोग गरिएको थियो ।
क्यामराको लेन्समा हेर्दै गरेको यो बाँदरको तस्बिर सन् २००१ मा टिम फ्ल्याचले खिचेका हुन् ।
यो फुड फोटोग्राफीका लागि चिनिएकी बेलायती फोटोग्राफर टेसा ट्रागरले खिचेको तस्बिर हो ।
बेलायती राज परिवारको यो तस्बिर टम मुरेले खिचेका हुन् । उनी राज परिवारको फोटो खिच्ने सबैभन्दा कम उमेरका फोटोग्राफर हुन् । उनले सन् १९६९ मा राजकुमारी मार्गरेट, लर्ड स्नोडोन र उनीहरुका सन्तान डेविड र साराको तस्बिर खिचेका हुन् ।

स्रोत : बिबिसी