ट्वीटर एकाउन्ट जोखिममा, पासवर्ड परिवर्तन गर्न आग्रह

सञ्चार संवाददाता

सामाजिक सञ्जाल ट्वीटरले प्रयोगकर्तालाई आफ्नो एकाउन्टको पासवर्ड परिवर्तन गर्न भनेको छ । ग्लिचले ट्वीटरको आन्तरिक सञ्जालमा केही खाली सन्देश सर्वाजनिक गरेपछि ट्वीटरले प्रयोगकर्तालाई आफ्नो एकाउन्टको पासवर्ड परिवर्तन गर्न भनेको हो ।

आन्तरिक रुपमा गरिएको अनुसन्धानबाट पासवर्ड चोरी तथा गलत प्रयोग भएको नपाइएको ट्वीटरले जनाएको छ । पासवर्ड चोरी तथा गलत प्रयोगका लागि आन्तरिक व्यक्ति संलग्न नरहेको पाइएको पनि ट्वीटरले उल्लेख गरेको छ ।

तर ट्वीटरले आउन सक्ने खतराबाट जोगिनका लागि आफ्नो एकाउन्टको पासवर्ड परिवर्तन गर्न प्रयोगकर्तासँग आग्रह गरेको हो । ट्वीटरले कति प्रयोगकर्ताका पासवर्ड प्रभावित भएका छन् भन्ने खुलाएको छैन । प्रभावित भएका पासवर्ड धेरै नै रहेको र यो विगतका महिनामा भएको बुझिएको छ ।

ग्लिच बगबारे ट्वीटरले केही हप्ताअघि थाहा पाएको र उसले आफ्ना केही नियामक निकायलाई भनेको आन्तरिक स्रोतलाई उद्धृत गर्दै समाचार संस्था रोयटर्सले जनाएको छ ।

ट्वीटरका कार्यकारी अधिकृत ज्याक डोर्सीले ट्वीटर गरेर यसबारे जानकारी दिएका हुन् । विश्वभर ३३० मिलियन भन्दा बढी ट्वीटर प्रयोगकर्ता छन् ।

बैशाख २१, २०७५ मा प्रकाशित
प्रतिक्रिया दिनुहोस्

सम्बन्धित वर्गका समाचारहरू