डा. उपेन्द्र देवकोटाप्रति समर्पित गजल

मृत्युले आफ्नो जालमा पारेको छ

गजल


ज्ञानमा विजयी ऊ विज्ञानसँग हारेको छ !
आफ्नो अथाह पीडालाइ हाँसोसँग टारेको छ !!

कैयौको मृत्युसँग लडिदिने एउटा मान्छे  !
मृत्युलेनै सत्रु ठानी आफ्नो जालमा पारेको छ !!

विज्ञापन

उस्को पीडा बाड्न मिले, एक-एक तोला बिक्थ्यो !
भावनाले के गर्थ्योर ,एक्लै भोग्‍नु पारेको छ !!

ईश्वरकै जाँच लिने अर्को पनि ´ईश्वर` छ कि  ?!
कैयौंपटक बिपत्तिलाई अल्लि पर सारेको छ !!

प्रकृति सँग-सँगै कृति शेष नि बाच्नु  पर्छ !
आत्मबलको उज्यालोले मृत्युु-अहम फारेको छ !!

उपेन्द्रको विजयी ज्ञान, विज्ञानसँग हारेको !
आफ्नो अथाह पीडालाई हाँसोसँगै टारेको छ !!

(# `उ` अर्थात उपेन्द्र देवकोटाको स्वास्थ लाभको कामना सहित !)


देश सञ्‍चार प्रालिद्वारा संचालित देश सञ्‍चार डटकममा प्रकाशित कुनै पनि सामाग्री देश सञ्‍चार प्रालिको पूर्व जानकारी विना हुबहु एवं आंशिक रुपमा समेत कपी गरी प्रकाशन गर्नु दण्डनीय छ। यस किसिमका कार्य गर्ने उपर देश सञ्‍चार प्रालि नेपाल कानुनी उपचार खोज्न बाध्य हुने भएकाले सम्बन्धित सबैलाई सचेत हुन जानकारी गराइन्छ।

बैशाख २३, २०७५ मा प्रकाशित
प्रतिक्रिया दिनुहोस्