विश्वकपमा इंग्ल्याण्डको कप्तान ह्यारी केन

सञ्चार संवाददाता

आउँदो जुन १४ देखि रुसमा सुरु हुने विश्वकप फुटबलमा इंग्ल्याण्डको कप्तान ह्यारी केन रहने भएका छन् । प्रक्षिक ग्यारेथ साउथगेटले केनले विश्वकप फुटबलमा टिमको कप्तानी गर्ने घोषणा गरेका हुन् ।

२४ वर्षका केनले भर्खरै सकिएको सिजनमा सबै प्रतियोगितामा गरेर ४१ गोल गरे । उनको टिम टोटनह्याम प्रिमियर लिगमा तेस्रो स्थानमा रह्यो । साथगेटले भने, ‘ह्यारीसँग यस्तो व्यक्तिगत क्षमता छन् जसले टिमलाई नेतृत्व गर्न सहयोग गर्छ ।’

केनले पछिल्लो पटक गएको वर्ष विश्वकप छनौट अन्तर्गत स्कटल्याण्डसँगको खेलमा टिमको कप्तानी गरेका थिए । त्यो खेलमा केनले टिमका लागि अन्तिम समयमा बराबरी गोल गरेका थिए । खेलमा इंग्ल्याण्ड २ २ को बराबरीमा रोकिएको थियो ।

केनले टिमको कप्तानी गर्न पाउँदा आफू निकै खुशी रहेको बताएका छन् । र विश्वकपका लागि आतुर रहेको पनि उनको भनाई छ ।

जेठ ८, २०७५ मा प्रकाशित
प्रतिक्रिया दिनुहोस्

सम्बन्धित वर्गका समाचारहरू