साढे ३३ किलो सुन काण्ड

उर्लाबारीबाट थप एकजना पक्राउ, समन हत्याका लागि सामग्री उपलब्ध गराएको आरोप

मोरङ – साढे ३३ किलो सुन तस्करी काण्ड र समन हत्या प्रकणमा संलग्न भएको आरोपमा प्रहरीले थप एकजनालाई पक्राउ गरेको छ । प्रहरीले मोरङको उर्लाबारीबाट बिहीबार बेलुका रेवत भनिने रेवन्तकुमार आचार्यलाई पक्राउ गरेको हो ।

अनुमानित ३८ वर्षका आचार्यलाई उलार्बारीबाट पक्राउ गरिएको जिल्ला प्रहरीका कार्यालय मोरङले जनाएको छ । उर्लाबारीकै बासिन्दा आचार्यको उर्लाबारी चोकमा सुन पसल रहेको छ ।

विज्ञापन

उनीमाथि सनम शाक्यको हत्याका लागि चुडामणि उप्रेती उर्फ गोरे समूहले प्रयोग गरेको सामान उपलब्ध गराएको आरोप रहेको छ । उनले समनको हत्याका लागि प्रयोग भएका तार, ब्याट्रीसहितका सामान उपलब्ध गराएको प्रहरीको आरोप छ ।

आचार्यलाई गोरेले अदालतमा दिएको बयानका आधारमा पक्राउ गरिएको बुझिएको छ । आचार्य तत्कालीन एमाले र अहिलेको नेकपाका स्थानीय कार्यकर्ता पनि रहेको बताइएको छ ।

जेष्ठ ११, २०७५ मा प्रकाशित
प्रतिक्रिया दिनुहोस्