गैँडा कूटनीतिको अभ्यासमा ओली : भद्र र रुपसी चीनलाई उपहार

काठमाडौँ – प्रधानमन्त्री केपी शर्मा ओलीले नेपाल चीन सम्बन्धलाई अझ व्यापक बनाउनु पर्ने बताएका छन् ।

चीनलाई नेपालको तर्फबाट एकजोडी गैँडा हस्तान्तरण गर्दै प्रधानमन्त्री ओलीले बिहीबार यस्तो बताएका हुन् ।

प्रधानमन्त्री ओलीले दुई देशबिचको परम्परागत सम्बन्धलाई गैँडा उपाहारले थप मजवुद बनाएको बताए । भृकुटी र अरनिकोबाट सुरु भएको नेपाल चीन सम्बन्धलाई भद्र र रुपसीले थप गाढा बनाएको प्रधानमन्त्री ओलीको भनाई छ ।

प्रधानमन्त्री ओलीले नेपालका लागि चीनका राजदुत यु होङलाई प्रकृति संरक्षण कोष खुमलटारमा भद्र र रुपसी नामका गैँडाको जोडी हस्तान्तरण गरेका हुन् ।

हस्तान्तरणपछि प्रधानमन्त्री ओलीले भने “भद्र र रुपसी चीनमा आफ्नै घर जस्तो गरी स्वास्थ्य ढंगले हुर्किनेछन् । सन्तान वृद्धि गर्नेछन् ।” दुई वर्ष भन्दा कम उमेरका भद्र र रुपसी चितवन राष्ट्रिय निकुञ्जबाट ल्याइएको हो ।

वन्यजन्तुको संरक्षणका लागि सरकार संवेदनशील रहेको प्रधानमन्त्री ओलीले बताए । “वन्यजन्तु र प्रकृतिको संरक्षणका लागि हामीले पूर्व देखि पश्चिमसम्मका विभिन्न ठाउँमा आरक्षण र संरक्षण क्षेत्र बनाएका छौं ” ओलीले भने ।

असार २८, २०७५ मा प्रकाशित
प्रतिक्रिया दिनुहोस्