‘स्वस्तिमा’ किन रोइन्?

किन आयो स्वस्तिमाको आँखामा आँसु?

आफूले माया गरेको मान्छेले बेवास्ता गरेपछि कसको मन दुख्दैन र! सायद यही नै कारण थियो जसले नायिका स्वस्तिमाको आँखामा आँसु ल्यायो। नायिकाले आफ्नो प्रेमीलाई मनका कुराभन्दा उनले बेवास्ता गरिदिए र उनी रोइन्।

विज्ञापन

यो दृष्य ‘नाइँ नभन्नु ल’ को पाँचौ संस्करणमा भएको गीतको हो। मेरिना राईले गाएको गीतमा स्वस्तिमा आफ्नो प्रेमी अभिषेक नेपाललाई भन्दैछिन्, ‘तिम्रो आँखामा आँखा जुधाई भन्नु छ एउटा कुरा, तिमीबिना अधुरो छुँ म, तिम्रो साथ पाए हुन्छु पूरा’ गीत मार्फत उनी नायकलाई आग्रह गर्दैछिन् ‘नाई नभन्नु ल।’

विकासराज आचार्यको निर्देशनमा बनेको ‘नाई नभन्नु ल – ५’ को गीत मंगलबार राइजिङ मलमा सार्वजनिक भएको छ। गीतमा नायिका स्वस्तिमा खड्का नव नायक अभिषेक नेपाल, यही चलचित्रबाट डेब्यू गरेकी बाल कलाकार सेडरिना शर्मा देखिएका छन्।

इलामको सुन्दर वातावरण र विपी राजमार्गको दृष्य गीतमा समावेश गरिएको छ। यो गीतलाई दिनेश थपलियाले लेखेका हुन्। बसन्त सापकोटाको संगीतलाई सञ्जिव बराइलीले एरेन्ज गरेका हुन्।

चलचित्र नाई नभन्नु ल – ५ भदौ ८ मा रिलिज हुँदैछ। चलचित्रमा निरुता सिंह, दिलिप रायमाझि, प्रियंका कार्की, केकी अधिकारी, स्वस्तीमा खड्का, अनुभव रेग्मी, अभिषेक नेपाल, सेडरिना शर्मा लगायत अरु कलाकारलाई देख्न सकिन्छ।

माया भित्र भएको द्वन्द्वलाई चलचित्रमा देख्न सकिने निर्देशक विकास राज आचार्यले बताए। चलचित्रको ट्रेलर केहि दिन अगाडि सार्वजनिक भइसकेको छ।


देश सञ्‍चार प्रालिद्वारा संचालित देश सञ्‍चार डटकममा प्रकाशित कुनै पनि सामाग्री देश सञ्‍चार प्रालिको पूर्व जानकारी विना हुबहु एवं आंशिक रुपमा समेत कपी गरी प्रकाशन गर्नु दण्डनीय छ। यस किसिमका कार्य गर्ने उपर देश सञ्‍चार प्रालि नेपाल कानुनी उपचार खोज्न बाध्य हुने भएकाले सम्बन्धित सबैलाई सचेत हुन जानकारी गराइन्छ।

साउन ८, २०७५ मा प्रकाशित
प्रतिक्रिया दिनुहोस्