नेपालसहित विश्वका अधिकांश क्षेत्रमा शुक्रबार रातिदेखि शनिबार बिहानसम्म गख्रास चन्द्र ग्रहण लाग्यो । आषढ शुक्ल पूर्णिमाको दिन अर्थात गुरु पूर्णिमा शुक्रबार यो शताब्दीकै लामो खग्रास चन्द्र ग्रहण लागेको हो ।

नेपाल, भारतसहित एसिया, अस्ट्रेलिया, रुससहित युरोप तथा केही अफ्रिकी देश र उत्तर अमेरिकाका अधिकांश ठाउँबाट यो चन्द्र ग्रहण देखिएको छ । यो चन्द्र ग्रहणलाई ब्लडमून पनि भनिएको छ ।

चन्द्र ग्रहणका बेला चन्द्रमा केही समय तामा धातु जस्तो भएको र केही समय पूरै रातो हुने भएकाले यो ग्रहणलाई ब्लडमून भनिएको हो । १०० वर्षपछि यस्तो संयोग आएको खगोलविदले बताएका छन्।

चन्द्र ग्रहणको अवधि ३ घण्टा ५७ मिनेट लामो रह्यो । राति १२ बजेर ९ मिनेटमा स्पर्श भएको चन्द्र ग्रहण शनिबार बिहान ४ बजेर ६ मिनेटमा मोक्ष भएको छ । ग्रहणको कुल अवधि ३ घण्टा ५७ मिनेट भए पनि खग्रास ग्रहण भने १ घण्टा ४४ मिनेट लागेको छ ।