करिश्मा मानन्धर भर्सन–टू

करिश्मा मानन्धरको पुनः औपचारिक शिक्षा

करिश्माका शैक्षिक सामग्रीहरु । तस्बिर : झरना राई/देश सञ्चार

काठमाडौँ – कक्षा ७ मा अध्ययन गर्दागर्दै छोडेको भएर ४ महिना एकै जना शिक्षकले उनलाई पढाए। उनी दिनभरि एउटै शिक्षकसँग ८ विषय पढ्थिन। उनका क्लासमेट कोही थिएनन्।

कक्षा ८ बाट उनी नियमित विद्यार्थी भएर अरुसँगै बसेर पढ्न थालिन्। ‘मेरो क्लासमेटलाई म त्यहाँ पढ्छु भन्ने थाहा थियो’ उनी कक्षामा सजिलै एडजस्ट भइन्।

त्यो समय अलि फरक अनुभव भयो, कक्षामा एकदमै हल्ला थियो। स्कूल शान्त त हुने नै भएन। ‘धेरै हल्ला भएपछि मलाई निन्द्रा लागेको जस्तो हुन्थ्यो, पछि पछि म त्यसलाई एडप्ट गर्दै गएँ।’ उनको कक्षामा २२ जना विद्यार्थी छन्।

मनपर्ने विषय


करिश्मालाई स्वास्थ्य जनसंख्या तथा वातावरण विषय एकदमै मनपर्छ। सामाजिक शिक्षा पनि उनलाई मन पर्ने विषय हुन्। उनी आफूलाई प्रकृति प्रेमी ठान्छिन्। उनको घरको वरपर पनि त्यस्तै किसिमको वातावरण छ।

‘मलाई आफ्नो देशको कला संस्कृति, वातावरण, जनसंख्या, भूगोलको बारेमा कुराकनी गर्न, जान्न धेरै नै मजा लाग्छ। स्वास्थ्यको बारेमा त म सधैँ नै कन्सियस हो।’

अनि गणित र विज्ञान असाध्यै गारो लाग्ने विषय। हरेक साँझ ७ बजे उनलाई कोचिङ्ग पढाउन टिचर आइपुग्छन्। अनिवार्य गणित, विज्ञान र एच्छिक गणितको कक्षा लिन्छिन्।

‘पास गर्न त पर्‍यो, तर भएन भने पनि म अर्को वर्ष प्रयास गर्छु।’

उनी निर्दोष विद्यार्थी भएर बोल्दै थिइन्, ‘म्याथको चाहिँ एउटा प्रश्न सुल्झाउन सकियो भने के के न उपहार पाएको जस्तो हुने रहेछ।’ यति भन्दा उनको हात चलेका थिए, अनुहारले खुशी छरेको थियो।

म्याथमा पनि अलजेब्रा सारै गारो छ रे, ‘अलि अलि बुझिरहेको छु जस्तो लाग्छ।’

मनपर्ने शिक्षक


उनलाई मन पर्ने शिक्षक विद्यालयका प्रिन्सिपल वाङ्देन लामा हुन्। सरसँग डर पनि लाग्छ रे, ‘उहाँले कुट्नु हुँदैन तर मनमा बिझ्ने गरी भन्नुहुन्छ।’

उनी अरु शिक्षकलाई सम्झन थालिन्, ‘मलाई विज्ञानको शिक्षक पनि मन पर्छ, सुप्रिया म्याम पनि।’

(देश सञ्‍चारकी सुजाता खत्री र झरना राईले करिश्माको एक दिनको पूरै दैनिकी नियालेका छन् । हामीले  करिश्माका विविध गतिविधिका सामग्रीहरु लिङ्कअप गर्दै जानेछौँ । बेलुका ६ बजे करिश्माको पूरै दैनिकी समेटिएको भिडियोसहितको स्टोरी आउनेछ ।)

सबै तस्बिरहरु : झरना राई/देश सञ्‍चार

 

भदौ १९, २०७५ मा प्रकाशित
प्रतिक्रिया दिनुहोस्

सम्बन्धित वर्गका समाचारहरू