भारतीय नेताको पशुपति यात्रा (फोटो फिचर)

भारतीय पूर्व प्रधानमन्त्री देवेगौडाको पशुपतिमा विशेष पूजा

काठमाडौँ – भारतका पूर्व प्रधानमन्त्री तथा जनता दल सेकुलरका नेता एचडी देवेगौडाले पशुपतिनाथ मन्दिरमा विशेष पूजा गरेका छन् ।

बिहीबार नेपाल आएका देवेगौडाले शुक्रबार बिहान झण्डै एक घण्टा लगाएर पूजा ५६ हजारको विशेष पूजा गरेका हुन् । पूजाका लागि उनीसँगै आएका पूजारीहरु पनि पशुपति गएका थिए ।

पशुपतिमा देवेगौडाले लाख बत्ती पनि बाले । पूजा गरेर सकेपछि देवेगौडाले पशुपतिको आगन्तुक पुस्तिकामा आफ्नो सन्देश पनि लेखे । उनले पूजा गरेर निस्किएपछि भने, ‘परिवारको साथमा पशुपति दर्शनका लागि आएको हुँ, यहाँ पूजा गरेर र पशुपतिनाथको दर्शन गरेर आनन्द लागेको छ ।’

देवेगौडाले पशुपतिमा केही बृद्धलाई दान पनि गरे । उनलाई पशुपति विकास कोषले पशुपतिको प्रतिमा प्रदान गरेको थियो । पशुपतिनाथका पूजारी भट्टहरु कर्णाटककै हुन्छन् र देवेगौडा पनि कर्णाटककै हुन् । उनी तीन दिने निजी भ्रमणका लागि नेपाल आएका हुन् ।

८५ वर्षीय देवेगौडा सन् १९९६ जुनदेखि करिब ११ महिनाका लागि भारतको प्रधानमन्त्री बनेका थिए । त्यसअघि उनी कर्णाटकका मुख्यमन्त्रीसमेत रहेका थिए । हाल उनका छोरा कुमारास्वामी त्यहाँको मुख्यमन्त्री छन् ।

 

 

 

 

 

 

 

 

 

 

 

 

 

 

 

 

 

 

भदौ २२, २०७५ मा प्रकाशित
प्रतिक्रिया दिनुहोस्