निर्देशकले अवार्ड जिते लगत्तै गरे विवाहका लागि प्रस्ताव, प्रेमिका अचम्मित

कुनै पनि अवार्डका लागि मनोनयनमा पर्नु नै सबैभन्दा ठूलो सफलता हो, त्यो भन्दा माथिल्लो स्तरको हुन्छ जित । त्यो जितलाई पनि पार गरेर सर्वोत्कृष्टताको अवस्थामा पुगेको छ निर्देशक ग्लेन वीसका लागि एमी अवार्ड ।
टेलिभिजन सिरिज तथा मुभी क्षेत्रका सर्वोत्कृष्टहरुलाई सम्मानित गरिने अमेरिकी अवार्ड एमीको ७० औँ संस्करण ग्लेनका लागि निकै भावनात्मक र उत्कृष्ट रह्यो । यो वर्षको अवार्ड समारोह अमेरिकाको लस एन्जलसमा रहेको माइक्रोसफ्ट थिएटरमा भइरहेको छ ।
ग्लेनले द ओस्कारका लागि आउटस्ट्याण्डिङ्ग डाइरेक्टिङ्ग फर अ भेराइटी स्पेसलका लागि अवार्ड पाए । ग्लेनले अवार्ड स्वीकार गर्दै मन्तव्यको क्रममा प्रेमिका ज्यान स्वेनड्सनलाई विवाहका लागि प्रस्ताव गरे ।
AN #Emmys PROPOSAL? US RIGHT NOW pic.twitter.com/03xsEpNL0g
— E! News (@enews) September 18, 2018
ज्यानलाई विवाहका लागि प्रस्ताव गर्नुअघि ग्लेनले दुई हप्ताअघि निधन भएकी आफ्नी आमालाई सम्झिएका थिए । त्यसपछि उनले दर्शक दीर्घामा रहेकी ज्यानलाई सम्बोधन गर्दै विवाहका लागि प्रस्ताव गरे ।
उनको यो प्रस्तावले ज्यानसँगै थिएटरमा रहेका सबै अचम्मित भए । अरुले उठेर ताली बजाउन थाले, ज्यान सरप्राइज रहिन् । त्यसपछि उनी स्टेजमा गएर ग्लेनको विवाह प्रस्ताव स्वीकार गरिन् ।
Glenn Weiss pulled off a public proposal during his #Emmys speech (she said yes!) pic.twitter.com/u17NCxKBEK
— New York Magazine (@NYMag) September 18, 2018
ग्लेनले ज्यानलाई विवाहको प्रस्ताव गर्दै आफ्नी आमालाई बुवाले लगाइदिएको औँठी लगाइदिए । उनले ज्यानलाई विवाहका लागि प्रस्ताव गर्दै भनेका थिए, ‘म तिमिलाई प्रेमिका भन्न चाहन्न, किनकी अब श्रीमती भनेर बोलाउन चाहन्छु ।’
एमी अवार्डमा भएको यो पहिलो लाइभ विवाह प्रस्ताव हो ।
While accepting the Emmy for outstanding directing for a variety special, #Oscars director Glenn Weiss proposes to his girlfriend… and she says yes. #Emmys pic.twitter.com/FcyUipMlx1
— Hollywood Reporter (@THR) September 18, 2018