दरबारमार्ग स्ट्रिट फेस्टिभल आज हुँदै

काठमाडौँ – १४ औँ दरबारमार्ग स्ट्रिट फेस्टिभल शनिबार हुँदैछ । काठमाडौँको मुख्य क्षेत्र दरबारमार्गमा आयोजना हुने कार्यक्रममा इन्डियन र्यापस किङ्ग बादशाहले लाईभ पफर्मेन्स गर्दैछन्।

टीभीएस मोटर्स इन्डिया र जगदम्बा मोटर्स नेपालको सहकार्य सुरु भएको तीन वर्ष पूगेको छ । कार्यक्रममा नेपालका चर्चित कलाकारहरु इन्दिरा जोशी, एडरे, एज व्याण्ड, बुगी उगीका टप थ्री तथा नेपाल आइडलका टप थ्री कलाकारहरुको प्रस्तुती रहनेछ।

फेस्टीभलमा खानाका स्टलहरुको साथै किड्स जोन पनि रहनेछ। शनिबार दरबारमार्गका आउटलेटहरुमा डिस्काउन्टमा सपिङ्ग समेत गर्न सकिनेछ । कार्यक्रम दिउँसो १२ बजेदेखि सुरु हुनेछ ।

कार्यक्रममा टीभीएस एनटर्कका पहिलो ५० जना ग्राहकहरुले बादशाहसँग भेट्ने अवसर प्राप्त गर्नेछन् । साथै कार्यक्रमको आकर्षणको रुपमा मिरर डान्स, रक क्लाइम्वीङ्ग रहने छ र एकजना भाग्यशाली दर्शकलाई बम्पर प्राइज स्वरुप टीभीएसको एनटर्क स्कुटर प्राप्त गर्ने छन् ।

असोज ६, २०७५ मा प्रकाशित
प्रतिक्रिया दिनुहोस्