रोनाल्डोमाथि बलात्कार आरोपः नाइकको गम्भीर चासो, युभेन्टसले गर्यो बचाउ

क्याथरिनका साथमा लस भेगासको नाइट क्लबमा रोनाल्डो ।

स्टार स्ट्राइकर क्रिष्टियानो रोनाल्डोमाथि लागेको बलात्कारको आरोपप्रति खेलकुद सामग्री निर्माता अमेरिकी कम्पनी नाइकले गम्भीर चासो व्यक्त गरेको छ ।

नाइकले रोनाल्डोसँग एक बिलियन अमेरिकी डलरको सम्झौता गरेको बताउने गरिएको छ । रोनाल्डोमाथि लागेको आरोपप्रति गम्भीर चासो रहेको र यससम्बन्धमा नजिकबाट नियाली रहेको नाइकले बनाएको छ ।

यस्तै रोनाल्डोसँग सम्झौता गरेको इए स्पोटर्सले पनि चासो व्यक्ति गरेको छ । अमेरिकी एक महिलाले रोनाल्डोले आफूलाई सन् २००९ मा लस भेगासको एक होटलमा बलात्कार गरेको आरोप लगाएकी छन् ।

३४ वर्षकी क्याथरिन मायोर्गाले लगाएको आरोप रोनाल्डोले स्पष्ट रुपमा अस्वीकार गरेका छन् । यस सम्बन्धमा लस भेगास प्रहरीले पुनः अनुसन्धान सुरु गरेको छ । यहिबिच रोनाल्डोको क्लब युभेन्टसले भने उनको बचाउ गरेको छ ।

असोज १९, २०७५ मा प्रकाशित
प्रतिक्रिया दिनुहोस्