पोखरा महानगरमा सोलार बत्ती जडान कार्य सुरु

पोखरा- पोखरा महानगरले शहर उज्यालो कार्यक्रम अन्तर्गत विभिन्‍न स्थानमा सोलार बत्ती जडान कार्य शुरु गरेको छ।

पोखराको विभिन्न स्थानमा ३ सय ५० थान सोलार जडान गर्ने कार्य लाई यतिबेला महानगरले तिव्रता दिएको महानगरका इन्जिनियर ध्रुव भट्टराईले जानकारी दिए।

उनले ८० प्रतिशत महानगर तथा २० प्रतिशत जनसहभागिता समावेश गरी सोलार जडान गरिएको र मुख्य स्थानहरुमा महानगरको लागतमा सोलार जडान गरिएको भट्राईले बताए।

महानगरले अब सोलारको साथै नेपाल विद्युत प्राधिकरणको सहकार्यमा स्मार्ट सडक बत्तिलाई जोड दिने अगाडि बढाएको उनको भनाई छ।

महानगरप्रमुखका स्वकिय सचिव लक्ष्मण तिमिल्सिनाले पर्यटकिय शहर पोखरा महानगरमा सोलार बत्तीको माग अनुसार उपलब्ध गराउन नसकिए पनि अघिल्लो बर्ष टेन्डर गरि ल्याइएको सोलार जडानलाई निरन्तरता दिएको बताए।

उनले महानगरमा यस अघि नै तिब्बत सरकारको सहयोगमा १ हजार थान सोलार बत्ती तथा महानगर र स्थानिय सहभागितामा ८ सय थान सोलार बत्ती जडान गरिसकिएको जानाकारी दिए।

महानगरले उज्यालो पोखरा कार्यक्रम अन्तर्गत यस बर्ष पनि बजेट बिनियोजन गरेको र यस बर्ष मर्मतको कामलाई समेत प्राथमिकतामा राखी काम अगाडि बढाएको तिमिल्सिनाको भनाई छ।

असोज १९, २०७५ मा प्रकाशित
प्रतिक्रिया दिनुहोस्