श्रीयाको परिवारलाई पोखरा महानगरद्वारा १ लाख रुपैयाँ सहयोग

श्रीयाका परिवारलाई राहत रकम प्रदान गरिँदै।

पोखरा – पोखरा महानगरपालिकाले बलात्कारपछि हत्या गरिएकी श्रीयाका बिकको परिवारलाई आर्थिक सहयोग हस्तान्तरण गरेको छ।

महानगरपालिकाका प्रमुख मानबहादुर जिसी, उप्रपमुख मञ्जुदेवी गुरुङ, प्रमुख प्रशासकीय अधिकृत शेषनारायण पौडेल लगायतले मृतक बिकको घरमै पुगेर आमा बेलकुमारी विकलाई १ लाख रुपैयाँको चेक हस्तान्तरण गरेका हुन्।

चेक हस्तान्तणपछि बोल्दै महागनर प्रमुख जिसीले श्रीयाको हत्याले महानगर स्तब्ध भएको बताए। उनले १० वर्षीया बालिकामाथिको अमानवीय घटना निन्दनीय भएको भन्दै यस्ता घटना दोहोरिन नदिने सबै सचेत हुनुपर्ने बताए।

दोषी कानुनको दायरामा आएको भन्दै अब कुनै पनि बहानामा दोषिले उन्मुक्ति नपाउने बताएका छन्। उपप्रमुख मञ्जुदेवी गुरुङले श्रीयाको मृत्यु घटनाले निकै मर्माहत भएको बताइन्।

निर्दोष बालिकाको अमानवीय र पाशविक ब्यवहारबाट हत्या गर्नेलाई कुनै पनि बहानामा छुट दिन नहुने बताउँदै यस्ता घटना विरुद्ध सबै एकजुट हुनुपर्ने बताइन्।

यसैबीच पोखरा २२ पुम्दीभुम्दीको सिर्जनशील क्लबका अध्यक्ष झम्कनाथ देवकोटाले पनि श्रीयाका परिवारलाई १५ हजार रुपैयाँ आर्थिक सहयोग प्रदान गरेको छ।

श्रीयाको असोज ८ गते छिमेकी कुसुम पौडेलले बलात्कारपछि हत्या गरेका थिए। पौडेलले रक्सीका खाएको बेला श्रीयाको बलात्कारपछि हत्या गरेको स्वीकार गरेका थिए। पौडेललाई जिल्ला अदालतले पुर्पक्षका लागि जेलचलान गरेको छ।

असोज २७, २०७५ मा प्रकाशित
प्रतिक्रिया दिनुहोस्