मेस्सीका लागि बार्सिलोनामा भन्दा तेब्बर बढी पारिश्रमिकको प्रस्ताव, र पनि अस्वीकार

इंग्लिस क्लब म्यानचेस्टर सिटीले लियोनल मेस्सीलाई क्लब भित्र्याउन निकै ठूलो प्रयास गरेको खुलेको छ ।

म्यानचेस्टर सिटीले मेस्सीलाई बार्सिलोनामा पाइरहेको भन्दा तेब्बर बढी पारिश्रमिक दिने प्रस्ताव गरेको स्पेनिस पत्रिका मुण्डो डिप्रोटिभोलाई उद्धृत गर्दै द सनले लेखेको छ ।

म्यानचेस्टर सिटीले पारिश्रमिक तेब्बर बढाएर दिने प्रस्ताव गरे पनि लियोनल मेस्सीले अस्वीकार गरेको खबरमा उल्लेख छ । मेस्सीलाई क्लब भित्र्याउने प्रयासमा प्रशिक्षक पेप गार्डिवला नै सक्रिय भएको क्लबका प्रमुख कार्यकारी खाल्दून अअल मुबारकले खुलाएका हुन् ।

गार्डिवलाले मेस्सीसँग सीधै कुरा गरेको खबरमा उल्लेख छ । प्रस्ताव टेबुल गरे पनि मेस्सीले अस्वीकार गरेको उनले बताए । ३१ वर्षका मेस्सी बार्सिलोनाबाट आफ्नो खेल जीवन अन्त्य गर्ने पक्षमा रहेको देखिएका छन् ।

अशोज २८, २०७५ मा प्रकाशित
प्रतिक्रिया दिनुहोस्

सम्बन्धित वर्गका समाचारहरू