दसैँमा मनसँगै शरीर पनि फुर्तिलो बनाउने की ?

काठमाडौँ— दसैँका बेला प्राय सबै यात्रा गर्छन्। कतिपयलाई त्यो रहर हुन्छ त कतिपलाई बाध्यता। बिस्तारै राजधानी खाली हुँदै छ दसैँ बिदाले ।

यात्रा गर्नेहरु बढेका छन्। जन्मथलो पुग्दा प्राप्त हुने खुशीले लामो र कष्टकर यात्रा पनि बिर्साउँछ। तर लामो यात्रा अनि घरमा पुगेपछि परिवार, आफन्त, छिमेकी, साथीभाईसँगको भेटघाट, भलाकुसारीले उनीहरुको शारीरिक सक्रियता अचानक घट्छ।

हरेक बिहान वा साँझ गरिने शारीरिक अभ्यास ठप्प हुन्छ । योगा या ध्यान पनि टु्टछ। बल्लबल्ल बिदा पाएको यो बेला रमाइलो त गर्नै पर्‍यो नी । भन्छन् सबै त्यसै ।

तर योगाबारे जानकार कमल पौडेलका अनुसार यो बेला शारीरिक अभ्यास नगर्ने र खाना पनि चिल्लो, पिरो र अमिलो अनि कार्बोहाइड्रेटयुक्त धेरै खाने गर्दा रोग उपब्जाउने कारकतत्व बढ्छन् शरीरिमा।

एक ग्राम बोसो अर्थात फ्याटले नौ क्यालोरी बराबरको शक्ति दिन्छ । यो बेला धेरै खाने क्यालोरीयुक्त खानाले सबै शारीरिक क्रियाकलापमा उपयोग भएन भने त्यो बोसोको रुपमा सञ्चित हुन जान्छ ।

त्यसले हाम्रो स्वास्थ्यमा नकारात्मक असर पर्छ। यो बेला कम्तिमा २० मिनेट आफ्ना लागि छुट्याउन सकेर त्यसको सदुपयोग शारीरिक अभ्यासमा गर्न सके शरीर पनि फुर्तिलो हुन्छ र त्यसले पनि मन फुर्तिलो बनाउँछ ।

पसिना आउने गरी शारीरिक कसरत गर्दा अझै राम्रो हुन्छ। त्यसको निम्ती छिटोछिटो हिड्ने, नाच्ने, पौडी, ब्याटमिन्टन लगायतका खेल खेल्ने, बगैँचामा काम गर्ने, करेसाबारीमा गेडमेल गर्ने, जस्ता काम गर्न सकिन्छ ।

जसका कारण कोही हदसम्म शरीरिक कसरत गरी जिउलाई हलुका पार्न सकिन्छ । त्यो सँगै लामो समयपछि भेटिएका परिवारका सदस्य, आफन्त, छिमेकी र साथीभाईलाई पनि शरीर फुर्तिलो बनाउन सुझाउन सकिन्छ।

त्यसका लागि एक्लै हुँदा घरभित्रै शारीरिक अभ्यास गर्न सकिन्छ । साथीभाई हुँदा उनीहरुसँग भलाकुसारी गर्दै ट्रेकिङ, हाइकिङ्ग जान सकिन्छ।

असोज ३०, २०७५ मा प्रकाशित
प्रतिक्रिया दिनुहोस्