राजदेवी मन्दिरमा १५ हजार बोकाको बलि दिइयो

जनकपुरधाम – जनकपुरधामको प्रसिद्ध शक्तिपीठ राजदेवी मन्दिरमा यस वर्ष करिब १५ हजार बोकालाई बलि दिइएको छ ।

बुधबार साँझ महाअष्टमीका दिन साढे ७ बजेबाट सुरु भएको बलिमा १४ हजार ९ सय ९७ वटा बोकाको बली दिइएको हो । गत वर्ष राजदेवी मन्दिरमा १२ हजार ४ सय ४७ वटा बोकाको बलि दिइएको थियो ।

एक मिनेट करिब ३० वटा बोकालाई बलि चढाईंदै गरेको उक्त कार्यक्रम आज बिहान ३ बजेर ३२ मिनेटमा सम्पन्न भएको महावीर युवा कमिटिले जनाएको छ ।

बलि प्रदानका लागि चारवटा ठेहा राखिएको राजदेवी मन्दिरमा करिब सय जना युवाहरु परिचालित भएका थिए ।

कात्तिक १, २०७५ मा प्रकाशित
प्रतिक्रिया दिनुहोस्