पोखरा प्रिमियर लिगको लागि पोखरा पल्टन बन्द प्रशिक्षणमा व्यस्त

पोखरा— तिन दिनपछि शुरु हुने पोखरा प्रिमियर लिगका लागि घरेलु टोली पोखरा पल्टन बन्द प्रशिक्षणमा जुटेको छ । पोखरा रंगशालाभित्रकै क्रिकेट मैदानमा टोलीले प्रशिक्षणको लागि तयारी शुरु गरेको हो।

बन्द प्रशिक्षणका लागि पोखरा पल्टनका कप्तान शरद भेषवाकर सहितको टोली ४ गते पोखरा आईपुगेको छ। पोखरा पल्टनले उद्घाटन खेलमा विराटनगरसँग खेल्ने छ। बन्द प्रशिक्षणमा जुटेका कप्तान भेषवाकरले भने’, ‘हाम्रो राम्रा टिम र टिमवर्क छ । विदेशी खेलाडी आउँदै छन् ।’

उनले अफगानिस्तानबाट एक जना खेलाडी आउने बताए । स्थानीय चार जना खेलाडीबाट दुईजना खेलाडीलाई टिममा समावेश गर्ने सहायक प्रशिक्षक रिजन प्रजुले जानकारी दिए ।

पोखरा पल्टनले दुई घरेलु (स्थानीय) खेलाडी लिने छ। त्यसको लागि चारजना खेलाडी प्रशिक्षणमा उत्रिएका छन्। घरेलु खेलाडीमा दिपेश खत्री, अमृत गुरुङ, सुमन घिमिरे र मेखबहादुर सेन थापा छन् । खत्री पुर्व राष्ट्रिय खेलाडी हुन् ।

थापा यु–१६ राष्ट्रिय टोलीबाट नेपालको प्रतिनिधित्व गरेर थाईल्याण्डमा खेलमा उपाधि जितेर फर्किएका खेलाडी हुन् । उनी खासगरी बलर हुन् । गुरुङ पनि घरेलु टोलीका लागि अनुभवी खेलाडी मानिन्छन्।

कात्तिक ५, २०७५ मा प्रकाशित
प्रतिक्रिया दिनुहोस्