मिस वर्ल्डको एउटा विधामा ‘टप २०’ मा छानिइन् श्रृंखला खतिवडा

काठमाडौँ- मिस नेपाल श्रृंखला खतिवडा मिस वर्ल्ड २०१८ प्रतियोगिताको एउटा विधामा टप २० मा छानिएकी छिन्। शुक्रबार आयोजित ‘हेड टु हेड च्यालेञ्ज’ मा उनी प्रश्‍नको सही उत्तर दिँदै टप २० मा छानिएकी हुन्।

 

View this post on Instagram

 

For full video Link in BIO!❤ Congratulations Shrinkhala 😘 Follow @nepalipeopleofficial for more updates!😍💃🤗

A post shared by Nepali People Official ♡ (@nepalipeopleofficial) on

श्रृंखला वरियताक्रम अनुसार १३ नम्बरमा छानिएकी छिन्। मिस वर्ल्ड २०१८ प्रतियोगिताको पहिलो नम्बरमा मोरिसस, दोस्रो नम्बरमा फ्रान्स, तेस्रो नम्बरमा भेनेजुएला, चौथो नम्बरमा फिलिपिन्स, पाँचौ नम्बरमा नाइजेरिया, छैँटौँ नम्बरमा बंगलादेश, सातौँ नम्बरमा चिली, आठौ नम्बरमा लेबनान, नवौँ नम्बरमा मलेसिया र दसौं नम्बरमा ग्वाडेलप देशका सुन्दरीहरु छानिएका छन्।

यस्तै एघारौ नम्बरमा म्‍यानमार छन भने बाह्रौ नम्बरमा भारत रहेको छ। मिस नेपाल श्रृंखला खतिवडा भने तेह्रौ नम्बरमा छिन्। यस्तै चौधौं नम्बरमा सिंगापुर, पन्ध्रौ नम्बरमा थाइल्‍याण्ड, सोह्रौ नम्बरमा बुल्गेरिया र सत्रौ नम्बरमा मेक्सिको रहेका छन् भने अठारौ नम्बरमा ट्रनिड्‍याड एण्ड टोब्‍याको, उन्नाइस नम्बरमा अर्जेन्टिना र बीसौ नम्बरमा युगान्डाका सुन्दरीहरु छानिएकी छिन्।

मिस नेपाल २०१८ की बिजेता खतिवडासँगै अरु प्रतिस्पर्धीलाई ‘तपाईको देशमा अहिलेको जल्दोबल्दो समस्या के हो? र तपाई यसलाई कसरी समाधान गर्नुहुन्छ?’ भनेर प्रश्न सोधिएको थियो। जसको जवाफमा उनले भनेकी थिइन्, ‘हाम्रो देशको जल्दोबल्दो समस्या भनेको बेरोजगारी हो, धेरै युवाहरु रोजगारीको अवसरको लागि बिदेश जान्छन्। मलाई लाग्छ, पर्यटनको माध्यमबाट देशमा रोजगारी सिर्जना गर्न सकिन्छ। पर्यटन हाम्रो देशको शक्ति हो। मलाई विश्वसामु नेपाललाई बिविध सँस्कृति, धर्म, जनजाति भएको देशको रुपमा चिनाउन मन छ। नेपाली पर्व मनाउन मन पराउन्, रमाउन मन पराउछन्। मलाई विश्वभरका मानिसलाई नेपालमा गर्वसहितको मुस्कानले स्वागत गर्न मन छ।’

मंसिर १४, २०७५ मा प्रकाशित
प्रतिक्रिया दिनुहोस्