अमेरिकामा तुफानका कारण कम्तिमा २२ जनाको मृत्यु

अमेरिकामा तुफानका कारण कम्तिमा २२ जनाको ज्यान गएको छ । अलाबामा राज्यको ली काउन्टीमा तुफानका कारण कम्तिमा २२ जनाको ज्यान गएको र यसमा केही बालबालिका पनि रहेको अमेरिकी सञ्चार माध्यमले जनाएका छन् ।

तुफानले घर तथा भवन भत्काएको र भग्नावशेषमा स्थानीय बासिन्दा फसेको जनाइएको छ । अहिले पनि भग्नावशेषमा फसेकाहरुको उद्धार गरि अस्पताल लैजाने काम भइरहेको स्थानीय अधिकारीलाई उद्धृत गर्दै सिएनएनले जनाएको छ ।

अलाबामाका गभर्नर के आइभीले आउँदा दिनमा मौसम थप खराब हुन सक्ने बताएका छन् । तुफानमा हावाको गति २२६ किलोमिटर प्रति घण्टा पुग्ने क्षमता छ ।

फाल्गुन २०, २०७५ मा प्रकाशित
प्रतिक्रिया दिनुहोस्