मेवा खानु स्वास्थ्यका लाग फाइदै-फाइदा

हामी मौसम अनुसार विभिन्न फलफूल खाने गर्छौ। गर्मी मौसममा सितलता प्रदान गर्ने र जाडोमा सोही अनुरुप फलफूल खाँदै आएको छौँ। उक्त फलफूलले मानिसको शरिरीरमा फाइदा गर्नुका साथै विभिन्न रोगसँग लड्ने प्रतिरोधात्मक क्षमता पनि बढाउने गर्दछन् । ती फलफूलहरु मध्य मेवा पनि एक हो।

सामान्यतया मेवालाई फरक फरक भुगोलमा पाइने तथा भिटामीन ‘ए’ र ‘सी’ को खानी भएको अद्भूत फल भनेर पनि चिन्‍ने गरिन्छ। जसलाई मानिसले एकदमै मिठो मानी-मानी खाने गर्दछन् र जसको सेवनका कारण शरीरमा धेरै फाइदाहरु हुने गर्छ। त्यसैले त मेवाको नियमित सेवन गर्नु स्वास्थ्यका लागि फाइदाजनका मानिन्छ।

मेवाका फाइदाहरु
आँखाको लागि उपयोगी – मेवामा भिटामीन ‘ए’ प्रशस्त पाइने हुँदा यसले आँखाको दृष्टिलाई तेजिलो बनाउन मद्दत गर्दछ ।

रोग प्रतिरोधक क्षमता बढाउने – मेवाले शरिरमा रोग प्रतिरोधक क्षमता बढाउने हुनाले शरिर स्वस्थ पनि रहन्छ ।

क्यान्सरको प्रतिरोध – मेवाका हुने एन्टिअक्सिडेन्ट, फिटोन्यूट्रियन्ट र फ्लाभोनोइड जस्ता तत्वले शरिरको कोषहरुलाई मर्न दिंदैन । जसले गर्दा क्यान्सरको सम्भाबना कम हुन्छ ।

कोलस्ट्रोल घटाउँछ – मेवामा प्रशस्त मात्रामा फाइबर, भिटामिन ‘ए’ ‘सी’ र एन्टिअक्सिडेन्ट पाइने भएकाले पनि यसले शरिरमा भएको कोलस्ट्रोल नष्ट गर्ने काम गर्दछ ।

तौल घटाउन मद्दत गर्छ – शरिरको तौल बढेर हैरान भएका व्यक्तिहरुका लागि मेवाले तौल घटाउन केही हदसम्म सहयोग गर्दछ । यसमा भएको फाइबर तत्वले ट्वाइलेट जाँदा पेट सफा बनाउने भएकाले तौल घटाउन केही हदसम्म मेवाले सहयोग गर्दछ ।

मधुमेह रोगीलाई फाइदा – मेवा सेवन गर्दा गुलियोको तिर्सना पनि मेटिने तथा यसमा सुगरको मात्रा अति न्यून हुनाले मधुमेह रोगीलाई मेवा अत्यन्त्यै उपयोगी हुन्छ।

पाचन शक्ति बलियो – मेवाको नियमित सेवन गर्नाले हाम्रो पाचन क्रियामा सक्रिय हुने वा यसमा रहेको फाइबर तत्वले पाचन क्रियालाई सहज बनाउन मद्दत गर्दछ ।

फाल्गुन २५, २०७५ मा प्रकाशित
प्रतिक्रिया दिनुहोस्