फुटबलका जीवित भगवान, रोनाल्डो

युभेन्टसले च्याम्पियन्स लिग फुटबलमा उत्कृष्ट पुनरागमन गर्दै एथ्लेटिको मड्रिडलाई हराएर क्वाटरफाइनलमा स्थान बनाएपछि रियो फर्डिनान्डले क्रिष्टियानो रोनाल्डोलाई ‘लिभिङ्ग फुटबल गड’ अर्थात फुटबलको जीवित भगवान भनेका छन् ।

पहिलो लेगमा २–० ले पराजित भएर दबाबमा रहेको युभेन्टसले मंगलबार राति घरेलु मैदानमा भएको दोस्रो लेगमा ३–० को जित निकाल्दै समग्रमा ३–२ को जितसहित अन्तिम ८ मा स्थान बनाएको हो । युभेन्टसको उत्कृष्ट पुनरागमनमा तीनै गोल रोनाल्डोले गरेका हुन् ।

विज्ञापन

रोनाल्डोको पूर्व साथी खेलाडी तथा बिटी स्पोर्टसका फुटबल पण्डित रियो फर्डिनान्डले रोनाल्डोको प्रदर्शन भगवानतुल्य रहेको बताए । उनले भने, ‘रोनाल्डो फुटबलका जीवित भगवान हुन् । उनले जे गरे त्यो अपत्यारिलो छ । च्याम्पियन्स लिगका सबै कीर्तिमान उनीसँग छ । उनले मेस्सीले जस्तै च्याम्पियन्स लिगमा ८ ह्याट्रिक गरेका छन् ।’

मंगलबार रातिको खेलमा रोनाल्डोले २७, ४९ र ८६ औँ मिनेटमा गोल गरि ह्याट्रिक पूरा गरे र च्याम्पियन्स लिगमा रोनाल्डोको ८ औँ ह्याट्रिकले युभेन्टस अन्तिम ८ मा पुग्यो ।

रोनाल्डोले च्याम्पियन्स लिगमा गोलको संख्या १२४ बनाएका छन्, यो दोस्रो स्थानमा रहेका लियोनल मेस्सीको भन्दा १८ गोल बढी हो । रोनाल्डो लगातार चौथो सिजन उपाधि जित्ने सम्भावनामा छन् ।

फाल्गुन २९, २०७५ मा प्रकाशित
प्रतिक्रिया दिनुहोस्

सम्बन्धित वर्गका समाचारहरू