आईपिएल २०१९

जयपुरमा गेलको तूफान

उमेर ४० वर्ष भइसकेको छ । तर क्रिस गेल टि–२० क्रिकेटमा युवा खेलाडीहरुमाथि भारी परिरहेका छन् । वेष्ट इण्डीजका ओपनर गेलले सोमबार एक पटक फेरि सावित गरेका छन् कि उनी धेरै खेलाडीहरुभन्दा अगाडि छन् ।

क्रिस गेलले किंग्स इलेभन पञ्जाबबाट खेल्दै शानदार ७९ रन बनाए र जयपुरमा राजस्थान रोयल्समाथि १४ रनको जितमा अहम भूमिका निर्वाह गरे । यी तिनै गेल हुन् जसलाइ पछिल्लो पटक आईपिएल अक्सनमा कसैले भाउ लगाएका थिएनन् । तर सीजनको आफ्नो पहिलो म्याचमा गेलले देखाइदिए कि उनी आफूमाथि भरोसा गर्ने किंग्स इलेभन पञ्जाबको भाग्य बदल्ने तागत राख्नेछन् ।

पञ्जाबको टीम अघिल्लो सीजनमा सातौँ नम्बरमा थियो । अघिल्लो पटक गेलले एक शतक प्रहार गरेपनि अरु खेलमा चोटका कारण बाहिर बस्नु परेको थियो ।

पञ्जाबले अहिलेसम्म आईपिएलको उपाधि जित्न सकेको छैन । रनको ठूलो स्कोर बनाउन सफल गेलले पनि कहिल्यै ट्रफी जित्ने टीमको हिस्सा बन्न पाएका छैनन् ।
तर सोमबार गेलले जुन खेल देखाए, त्यसले गेल आफ्नो र आफ्नो टीमको रेकर्ड बदल्न सक्ने अनुमान गरिएको छ ।

गेलको तूफानी पारीको मद्दतले किंग्स इलेभन पञ्जाबलाई इहिहास बदल्ने मौका मिल्यो । पञ्जाबले पहिलो पटक राजस्थानलाई उयकै घरमा पराजित गर्यो ।

जयपुरमा गेलको तूफान


राजस्थानका ब्याट्सम्यान जोस बटलरले पनि उत्कृष्ट प्रदर्शन गरे तर म्याचका असली हिरो क्रिस गेल नै रहे । गेलले केवल ४७ बलमा आठ चौका र चार गगनचुम्बी छक्का प्रहार गरेर ७९ रन बनाए ।

क्रिस गेललाई आफ्नो पारी सम्हाल्न केही समय अवश्य लाग्यो तर जब उनी लयमा आए त्यसपछि आफूलाई रोकेनन् ।

एक यस्ता खेलाडी जसको ब्याट संसारमा सबैभन्दा भारी मानिन्छ । यदि त्यसको आधामा मात्रै शट लाग्ने हो भनेपनि बाउन्ड्रीको बाहिर नै जान्छ ।

चार हजार रन पूरा


क्रिस गेलको पारी यसकारण पनि महत्वपूर्ण थियो किनभने पञ्जाबका ओपनर के एल राहुलले मात्रै चार रन बनाउन सके । सबैभन्दा ठूलो कुरा के भने क्रिस गेल पूरा म्याचमा फिट रहे । क्रिस गेल जब ७९ रन बनाएर पेवेलियन फर्किए त्यतिबेला १५ औँ ओभर चलिरहेको थियो ।

जब गेल आउट भए तब पञ्जाबको स्कोर तीन विकेट गुमाएर १४४ रनमा थियो । उनी आउट भएपछि पञ्जाबको वारी सर्फराज खानले सम्हाले । उनले केवल २९ बल खेलेर ६ चौका र एक छक्काको मद्दतले ४६ रन बनाए ।

गेलले आईपिएलमा सबैभन्दा छिटो ४००० रन बनाउने रेडर्क पनि बनाए । यो उपलब्धी उनले आइपीएलको ११३ म्याचमा हासिल गरे ।

राजस्थानको पारी


राजस्थानका अगाडि जितका लागि १८५ रनको लक्ष्य गिथयो तर २० ओभर खेलेर उसले ९ विकेट गुमाएर मात्रै १७० रन बनाउन सक्याे। एक समय यस्तो पनि थियो जब राजस्थानको टीम जोस बटलरको ४३ बलमा १० चौका र दुई छक्काको मद्दतले बनाइएको ६९ रनको मद्दतले जितको लयमा थियो । तर उनी आउट भएसँगै खेलको दिशा बदलियो ।

राजस्थानका लागि बटलरका अलावा सञ्जु सैमसनले ३० र स्टीव स्मिथले २० रन बनाए ।

पञ्जाबको जितमा कप्तान आर आश्विनको पनि योगदान थियो । उनले चार ओभरमा केवल २० रन दिएर एक विकेट हासिल गरे ।

चैत १२, २०७५ मा प्रकाशित
प्रतिक्रिया दिनुहोस्