प्रधानमन्त्रीले भने, ‘कावासोतीमा घर छ, बर्दघाटमा सुकुम्बासी बन्ने चलन छ’

काठमाडौँ– प्रधानमन्त्री केपी शर्मा ओलीले समाधान नगरेका कारण सुकुम्बासीका समस्या ठूलो भएको बताएका छन्।

नवलपुर जिल्लाको कावासोती नगरपालिका वडा नम्बर ३ मा नमुना सदरमुकामको सनिबार विशेष कार्यक्रमकाबीच शिलान्यास गर्दै प्रधानमन्त्री ओलीले सुकुम्बासीको समस्या ठुलो समस्या नै नभएको बताए।

उनले भने, “सुकुम्बासीको समस्या ठुलो समस्या नै होइनन् । समाधान नगरेर बनेका हुन् ।” घरखेत नभएका नै बास्तविक सुकुम्बासी भएको भन्दै उनले वास्तविक सुकुम्बासीको पहिचान गरेर समस्या समाधान गरिने बताए । उनले भने, “कावासोतीमा घर छ, बर्दघाटमा गएर घडेरी कब्जा गर्यो भनेर सुकुम्बासी हुने पनि चलन छ । नारायणघाटमा ४ तले घर छ यहाँ आउँदा घडेरी छैन भने यहाँ सुकुम्बासी । यहाँ पनि एउटा घडेरी लिने । त्यो पनि चलन छ । त्यस्तो सुकुम्बासी होइन । वास्तविक सुकुम्बासीको समस्या समाधान गरिन्छ।”

प्रधानमन्त्री ओलीले प्रदेशका विकास निर्माण लगाय काममा जिम्मेबार ढंगले प्रस्तुत हुन मुख्य मन्त्रीलाई सुझाव दिए। उनले आफ्नो प्रदेशको आवश्यकता र विकासका सम्बन्धमा केन्द्र सरकारका अगाडि सर्त राखेर गैह् जिम्मेबार नबन्न मुख्य मन्त्रीलाई सुझाव दिए।

योजनावद्ध र दीर्घकालिन दृष्टिकोण राखेर सरकारले विकासका कामहरुमा अघि बढाएको उल्लेख गर्दै उनले निकट भविश्यमा नै मुलुकका संभाव्य सबै स्थानमा जलमार्ग सुरु गरिने दाबी गरे।

जिल्लाका एकीकृत सरकारी कार्यालय रहने गरि १ सय ८६ बिगाह क्षेत्रफलमा नमुना सदरमुकाम बनाउन लागिएको हो।

 

बैशाख ७, २०७६ मा प्रकाशित
प्रतिक्रिया दिनुहोस्