स्टार खेलाडीका एजेन्टमाथि फिफाले लगायो प्रतिबन्ध

विश्व फुटबलका स्टार खेलाडीका एजेन्ट मिनो राइओलामाथि प्रतिबन्ध लागेको छ ।

म्यानचेस्टर युनाइटेडका स्टार खेलाडी पउल पोग्बाका एजेन्ट राइओलामाथि विश्व फुटबलको प्रशासकीय निकाय फिफाको अनुशासन कमिटिले तीन महिनासम्म फुटबल सम्बन्धी गतिविधि गर्न नपाउने गरि प्रतिबन्ध लगाएको हो ।

विज्ञापन

राइओलालाई इटालीको फुटबल फेडेरेशनले बुधबार प्रतिबन्ध लगाएको थियो । फिफाले प्रतिबन्धलाई विश्वव्यापी बनाएको हो । तत्कालदेखि सुरु भएको प्रतिबन्ध आउँदो सिजनको इंग्लिस समर विण्डो बन्द भएपछि सकिने छ ।

उनले जाल्टन इब्राहिमोविचसहितका धेरै स्टार खेलाडीको प्रतिनिधित्व गर्छन् । इटालियन फुटबल फेडेरेशनले प्रतिबन्धको कारण खुलाएको छैन । तर राइओलाले भने झुटा प्रमाणका आधारमा आफूमाथि प्रतिबन्ध लगाइएको आरोप लगाएका छन् ।

बैशाख २८, २०७६ मा प्रकाशित
प्रतिक्रिया दिनुहोस्

सम्बन्धित वर्गका समाचारहरू