प्रदेश-२का हुरी पीडितलाई प्रदेश-१ सरकारले दियो एक करोड

जनकपुरधाम-बारा पर्साको हावाहुरी पीडितको लागि प्रदेश-१को सरकारले घोषणा गरेको एक करोड सहयोग गरेको छ।

प्रदेश-१का मुख्यमन्त्री शेरधन राइले सोमबार प्रदेश-२को मुख्यमन्त्री लालबाबु राउतलाई राहत रकमको चेक हस्तान्तरण गरेका छन्।

मुख्यमन्त्री तथा मन्त्रिपरिषदको कार्यालयमा आयोजित कार्यक्रममा प्रदेश-१का मुख्यमन्त्री राईले हावाहुरीले निम्त्याएको विपदमा प्रदेश-१ ले सहयोग गरेर प्रदेश-२को विपतमा हामी सबै एकजुट रहेको सन्देश दिन खोजेको बताएका छन्।

कार्यक्रममा प्रदेश नं. २का मुख्यमन्त्री लालबाबु राउतले प्रदेश-१को सहयोग प्रति आभार व्यक्त गर्दै मुलुक संघीय संरचनामा गएपछि प्रदेश प्रदेश बीचको सहकार्य र सम्बन्धमा मजबुत बनाउने आधार प्रारम्भ गरेको बताए।

बारा पर्सामा चैत्र १८ गते आएको हावाहुरी २९ जनाको मृत्यु भएको हो भने करोडौको धनमालको क्षति भएको छ।

बैशाख ३०, २०७६ मा प्रकाशित
प्रतिक्रिया दिनुहोस्